پاکستان کے پسندیدہ چینل بول نے اپنے مداحوں اور پاکستانی عوام کی دلچسپی کو مد نظر رکھتے ہوئے کاروباری افراد کی ترقی کے لئے ایک نئے رئیلٹی ٹی وی شو کا اعلان کیا ہے۔

بول نیٹ ورک پر نشر ہونے والے تمام پروگراموں ، خاص طور پر گیم اور رئیلٹی شوز کی دلچسپ بات یہ ہوتی ہے کہ اس میں عوام کی بڑی تعداد دلچسپی لیتی ہے۔

اپنی روایت کو برقرار رکھتے ہوئے بول نیٹ ورک نے پاکستان میں زیادہ سے زیادہ اور بہتر کاروباری افراد کی ترقی کے لیے نئے ریئلٹی ٹی وی شو کا اعلان کیا ہے۔

پاکستان کے معروف بول میڈیا گروپ نیٹ ورک اور یو ایس بیسڈ پاک لاؤنچ نے بین الاقوامی مشترکہ پروڈکشن کے ساتھ انٹرپرینیورز کےحوالے سے ایک نئے ریئلٹی ٹی وی شو کا اعلان کیا ہے۔

بول نیٹ ورک پاکستان میں اپنے ٹی وی چینلز اور بین الاقوامی سطح پر سوشل میڈیا پلیٹ فارمز پر خبریں اور تفریحی مواد تیار اور تقسیم کرتا ہے۔

پاک لاؤنچ ایک خصوصی کمیونٹی ہے جو پاکستان کے عالمی تارکین وطن کو پاکستان میں سرمایہ کاری کے مواقع سے جوڑتی ہے۔

پاک لاؤنچ اور بول نیٹ ورک نے آج ٹی وی شو کے ایک ایم او یو پر دستخظ کیے ہیں جو پاکستان کے اسٹارٹ اپ ایکو سسٹم کو متحرک کرے گا۔

بول نیٹ ورک اور پاک لاؤنچ نے اپنے تعاون کا خاکہ پیش کیا:

• ایک ایسا ٹی وی شو تیار کریں جو کمپنی کے بانیوں کو سرمایہ کاری کے سرمائے تک رسائی فراہم کرے

• پاکستان کی معیشت کے تمام شعبوں میں امید افزا اسٹارٹ اپس کی نمائش کریں  جیسے، زرعی، خوراک، فیشن، ڈیزائن، تعلیم، نقل و حرکت، لاجسٹکس، توانائی اور ٹیکنالوجی

• پاکستان کے تمام خطوں کے کاروباری افراد کو مشیر، اور سرمایہ کار فراہم کریں

• پاکستان میں کاروباری مواقع کے بارے میں بیداری پیدا کریں

• پاکستان کے متحرک نوجوانوں میں کاروباری صلاحیتوں کو بڑھانا

بول نیٹ ورک کے چیئرمین اور سی ای او جناب سمیر چشتی کا کہنا ہےکہ “میں کافی عرصے سے اس شو کو پروڈیوس کرنا چاہتا تھا،ایک کاروباری شخص کے طور پر، میں نے ذاتی طور پر سرپرستوں سے بہت فائدہ اٹھایا ہے اور ایک سرمایہ کار کے طور پر، میں اپنے تجربے سے جانتا ہوں کہ پاکستان میں مواقع لامحدود ہیں، یہ زبردست مواقع زیادہ سے زیادہ نوجوانوں کے لیے دستیاب ہونے چاہئیں ، یہی ہمارا مشن ہے، ہمارا شو کمپنی کے بانیوں کو سرمایہ کاری کے سرمائے تک رسائی اور مہارتوں کی اپ گریڈ شدہ تربیت فراہم کرے گا تاکہ وہ اپنے خواب پورے کر سکیں۔

پاک لاؤنچ کے بانی جناب علی فہد نے کہا، پاک لاؤنچ میں ہمارا مشن 2030 تک پاکستان کے ٹیک ایکو سسٹم کو دنیا کے ٹاپ ٹین میں شامل کرنے میں مدد کرنا ہے، ہم پاکستانی نوجوانوں کی حوصلہ افزائی کے لیے ایک شو پیش کرنے کے موقع پر پرجوش ہیں، بانیوں کو رہنمائی فراہم کریں، اور سرمایہ کاری کے لیے تیار وینچرز کو سرمایہ کاروں کے ساتھ جوڑیں۔