شہید نائیک عبدالرؤف کی نماز جنازہ ادا کردی گئی

ویب ڈیسک

01st Jan, 2024. 05:35 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

شہید نائیک عبدالرؤف کی نماز جنازہ ادا کردی گئی

دہشت گردوں کی فائرنگ سے جام شہادت نوش کرنے والے شہید نائیک عبدالرؤف کی نماز جنازہ ادا کردی گئی ہے۔

پاک فوج کے شعبہ تعلقات عامہ (آئی ایس پی آر) کے مطابق شمالی وزیرستان میں افغانستان کی جانب سے پاکستان کی فوجی چوکی پر دہشت گردوں کی فائرنگ سے جام شہادت نوش کرنے والے نائیک عبدالرؤف شہید کی نماز جنازہ ادا کردی گئی۔

آئی ایس پی آر کا کہنا ہے کہ 31 سالہ شہید نائیک عبد الرؤف کو مکمل فوجی اعزاز کے ساتھ ان کے آبائی علاقے رحیم یار خان میں سپرد خاک کردیا گیا ہے۔

یہ بھی پڑھیں: ’’افغانستان مطلوب دہشتگردوں کو پاکستان کے حوالے کرے‘‘

پاک فوج کے شعبہ تعلقات عامہ کے مطابق نماز جنازہ میں شہید کے اہلخانہ، عزیز و اقارب، پاک فوج کے افسران، عمائدینِ علاقہ اور لوگوں کی کثیر تعداد نے شرکت کی جب کہ نائیک عبدالرؤف شہید نے سوگواران میں والدین، بہن، اہلیہ اورایک بیٹا چھوڑا ہے۔

ترجمان پاک فوج کا مزید کہنا ہے کہ پاک فوج کے بہادر جوانوں کی قربانیاں دہشت گردی کے خلاف جنگ میں ہمارے عزم کو مزید تقویت دیتی ہیں، مادرِ وطن سے دہشت گردی کے ناسور کے خاتمے تک ہماری جنگ جاری رہے گی۔