کراچی نے آلودگی میں دنیا کے تمام شہروں کو پیچھے چھوڑ دیا ہے، کراچی کی فضائی آلودگی کی صورتحال آج انتہائی خراب ہے اور شہر قائد آج دنیا کے آلودہ ترین شہروں میں پہلے نمبر پر آگیا ہے۔

تفصیلات کے مطابق کراچی کی فضائیں آلودہ ترین اورمضر صحت ہوگئیں اور شہر قائد دنیا کے آلودہ ترین شہروں کی فہرست میں پہلے نمبر پر ریکارڈ ہوا۔

ایئر کوالٹی انڈیکس کے مطابق پاکستان کے سب سے بڑے شہر کراچی میں فضا میں آلودگی کی شرح 313 پرٹیکیولیٹ میٹر ریکارڈ کی گئی جس کے بعد آج شہر قائد دنیا کے آلودہ ترین شہروں کی فہرست میں پہلے نمبر پر آ گیا ہے۔

ایئر کوالٹی انڈیکس کے مطابق چین کا شہر (ووہان) آلودگی میں 190 پرٹیکیولیٹ میٹرز کے ساتھ دوسرے جبکہ بھارتی شہر (کلکتہ) 188 پرٹیکیولیٹ میٹرز کے ساتھ ہ تیسرے نمبر پر رہا۔

واضح رہے کہ 150 سے 200 آلودہ، 200 سے 300 آلودہ ترین جبکہ 300 پرٹیکیولیٹ میٹرز خطرناک آلودگی کو ظاہرکرتا ہے۔

یاد رہے کہ کسی شہر میں فضائی آلودگی وہاں کے رہنے والوں کو مختلف سانس کی بیماریوں، پھیپھڑوں کے مسائل، ہائی بلڈ پریشر حتیٰ کہ دماغی بیماریوں جیسے الزائمر اور ڈیمینشیا تک میں مبتلا کر سکتی ہے۔

نیا بھر کی 90 فیصد سے زائد آبادی ایسے مقامات پر رہتی ہے جہاں پر فضائی آلودگی کی شرح اس حد سے بڑھ چکی ہے جہاں یہ انسانی صحت کے لیے بے ضرر ہوتی ہے۔

ماہرین کے مطابق فضائی آلودگی میں سب سے خطرناک اور زہریلے عناصر ڈیزل کاروں، لکڑی سے جلائے جانے والے چولہوں اور کیمیائی تجربات کے نتیجے میں پیدا ہوتے ہیں۔