الیکشن کمیشن کا پشاور ہائی کورٹ کا فیصلہ سپریم کورٹ میں چیلنج کرنے کا فیصلہ

ویب ڈیسک

11th Jan, 2024. 12:35 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

الیکشن کمیشن کا پشاور ہائی کورٹ کا فیصلہ سپریم کورٹ میں چیلنج کرنے کا فیصلہ

اسلام آباد: الیکشن کمیشن آف پاکستان نے پی ٹی آئی انٹرا پارٹی انتخابات اور انتخابی نشان سے متعلق پشاور ہائی کورٹ کا فیصلہ سپریم کورٹ میں چیلنج کرنے کا فیصلہ کر لیا ہے۔

تفصیلات کے مطابق چیف الیکشن کمشنر سکندر سلطان راجہ کی زیر صدارت پی ٹی آئی کو انتخابی نشان کی الاٹمنٹ سے متعلق پشاور ہائی کورٹ کے فیصلے پر اہم مشاورتی اجلاس ہوا۔

اجلاس میں الیکشن کمیشن نے پشاور ہائیکورٹ کے فیصلے کے خلاف سپریم کورٹ سے رجوع کرنے کا فیصلہ کرلیا۔

دوران اجلاس الیکشن کمیشن نے پشاور ہائیکورٹ کے فیصلے کو چیلنج کرتے ہوئے قانونی ٹیم کو فیصلے کے خلاف اپیل تیار کرنے کی ہدایت کر دی۔

یہ بھی پڑھیں: پشاور ہائی کورٹ کے حکم کے بعد الیکشن کمیشن سے اہم خبر آگئی

بعدازاں اجلاس میں کمیشن کے چاروں ممبران اور قانونی ٹیم نے شرکت کی۔

گزشتہ روز پشاورہائی کورٹ نے تحریک انصاف کے حق میں فیصلہ سنایا تھا، پی ٹی آئی کی درخواست منظور کرتے ہوئے الیکشن کمیشن کو سرٹیفیکٹ جاری کرنے کا حکم دے دیا گیا تھا۔

پشاورہائی کورٹ نے پی ٹی آئی انٹراپارٹی انتخابات اورانتخابی نشان واپسی کیخلاف کیس کی سماعت کا فیصلہ محفوظ کیا تھا۔ عدالت نے الیکشن کمیشن کا نوٹیفکیشن معطل کرتے ہوئے پی ٹی آئی کا انتخابی نشان بلا بحال کردیا۔

واضح رہے 22 دسمبر کو الیکشن کمیشن نے پی ٹی آئی انٹرا پارٹی انتخابات کالعدم قرار دیا تھا۔