پیپلز پارٹی کے رہنما سینیٹر تاج حیدر نے کہا ہے کہ ہم اقتدار میں آنے کے لئے اِدھر اُدھر نہیں دیکھتے۔

تاج حیدر نے کراچی میں پریس کانفرنس کرتے ہوئے کہا کہ ہم ایک نظریاتی پارٹی ہیں جمہوریت ہماری سیاست ہے، ہم اقتدار میں آنے کے لئے ادھر ادھر نہیں گئے ہم عوام میں جاتے ہیں، چئرمین اور آصفہ بی بی عوام میں موجود ہیں۔

انہوں نے کہا کہ ہم استحصال کا خاتمہ چاہتے ہیں، سرمائے کو گردش میں رکھنا چاہتے ہیں، مختلف جماعتیں پیسے والے لوگوں کو جمع کر کے الیکشن کرا دیتے ہیں، وہ سیاسی لوگ نہیں ہوتے لوگوں کی کیا خدمت کریں گے۔

رہنما پی پی نے کہا کہ ہم ایسے پروگرام لائیں گے جس میں کوئی مڈل مین کوئی نہیں ہو گا، اٹھاوریں ترامیم کے بعد مختلف وزارتیں بند کریں گے، ان کا پیسہ قوم پر خرچ کریں گے۔

تاج حیدر نے کہا کہ غریب آدمی کا بجلی کا استعمال پچاس ساٹھ یونٹ ہے باقی یونٹس سے وہ کوئی کوٹیج انڈسٹری لگا سکتے ہیں، اسٹیل مل سمیت دیگر انڈسٹریز کو دوسری پارٹیاں بیچنا چاہتی ہیں، شاہد خاقان عباسی اسٹیل مل کو فروخت کرنا چاہتے تھے جس کی مخالفت کی۔

انہوں نے مزید کہا کہ حکومت نے مختلف منصوبوں میں آدھی رقم خود انوسٹ کی جس سے منصوبے کامیاب ہوئے، میں یقین دلاتا ہوں کہ ہمارے پاس بہت وسائل ہیں۔