ن لیگی رہنما خرم دستگیر نے کہا ہے کہ پاکستان میں خواتین کو الیکشن میں حصہ لینے سے روکا جارہا ہے۔

تفصیلات کے مطابق خرم دستگیر نے میڈیا کانفرنس کرتے ہوئے کہا کہ صبر جیت گیا جبر ہار گیا، نواز شریف پاکستان کی اعلیٰ ترین عدالت سے سرخرو ہوئے، نا انصافی کے فیصلے کو اعلیٰ عدلیہ نے ختم کیا۔

انہوں نے کہا کہ اب تمام رکاوٹیں منہدم ہوچُکی ہیں، چند دنوں میں نواز شریف بھرپور انتخابی مہم کا آغاز کریں گے، کل کے فیصلے کا اہم زاویہ ہے پانامہ اور اقامہ کا تھیٹر اپنے اختتام کو پہنچا۔

ان کا کہنا تھا کہ نو ٹنکی اپنے اختتام کو پہنچی، نواز شریف کو سیاست سے باہر رکھنے کا ڈرامہ بھی ختم ہوچکا، سپریم کورٹ کے حکم کے مطابق اب غیر قانونی جے آئی ٹی نہیں بنے گی۔

خرم دستگیر نے کہا کہ سپریم کورٹ نے بتادیا ہے صادق اور امین قرار دینے کا کوئی طریقہ کار نہیں، سپریم کورٹ اپنا راستہ درست کررہا ہے، آئین کی پاسداری کا رخ اختیار کیا جارہا ہے، خود ساختہ صادق اور امین کل ردی کی ٹوکری میں چلا گیا ہے۔

انہوں نے کہا کہ کل کے فیصلے کے بعد کشمیر کا سودا کرنے والے اب صادق اور امین نہیں رہے، امریکہ کے ساتھ ایک دن بڑھکیں دوسرے دن منتیں کرنے والے صادق اور امین نہیں ہوئے، 9 مئی کو شہدا کی یادگاروں پر حملے ور بے حرمتی کرنے والے صادق اور امین نہیں رہے

ان کا کہنا تھا کہ مولانا فضل الرحمان قابلِ عزت ہیں انکا مطالبہ سیاسی بنیاد پر نہیں، وہ امن و امان کی وجہ سے الیکشن لیٹ کرنے کی ڈیمانڈ کررہے ہیں۔

خرم دستگیر نے کہا کہ سیکیورٹی کے سیریس ایشوز ہیں فیصلہ الیکشن کمیشن نے کرنا ہے کچھ علاقوں میں الیکشن ملتوی کرنا ہے یا نہیں، ہم بین الاقوامی جریدے کو کہیں گے وہ اپنے معیار کو چیک کریں، وہ جریدہ جھوٹ کا آلہ کار بن گیا۔

انہوں نے مزید کہا کہ پیپلز پارٹی کیلئے ہمارے دروازے ہمیشہ کھلے ہیں، دکھ ہے کہ صرف چند ووٹ لینے کیلئے ان کی طرف سے بہت سخت الفاظ بولے گئے لیکن ہم نے جواب نہیں دیا۔