چوہدری شجاعت کے گھر سیاسی بیٹھک، وزیراعظم کی نامزدگی پر ق لیگ کی پالیسی سامنے آگئی

علی شیر

14th Feb, 2024. 01:47 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

چوہدری شجاعت کے گھر سیاسی بیٹھک، وزیراعظم کی نامزدگی پر ق لیگ کی پالیسی سامنے آگئی

مسلم لیگ (ق) کے سربراہ چوہدری شجاعت کے گھر اہم سیاسی بیٹھک ہوئی جس میں وزیراعظم کی نامزدگی پر ق لیگ کی پالیسی منظر عام پر آگئی۔

پاکستان مسلم لیگ کے مطابق چوہدری شجاعت حسین نے ملکی مفادات اور معاشی استحکام کو مقدم رکھنے کی دو نکاتی پالیسی پر سیاسی اکٹھ کیا۔

اس حوالے سے مرکزی سیکرٹری اطلاعات مصطفیٰ ملک نے بتایا کہ ہمارے دو نکاتی پالیسی پر پوری سیاسی قیادت کا اتفاق خوش آئند ہے، چوہدری شجاعت حسین کے گھر وزیر اعظم کی نامزدگی اعزاز ہے، ان کے گھرانے کو عزت دینے پر سیاسی قیادت کے مشکور ہیں۔

انہوں نے کہا کہ آصف زرداری، شہباز شریف، خالد مقبول، علیم خان، صادق سنجرانی نے چوہدری شجاعت حسین کو جو عزت دی ادھار رہے گی۔

مزید پڑھیں: پی پی، ن لیگ اور ایم کیو ایم کا مل کر حکومت بنانے کا فیصلہ

مصطفیٰ ملک نے بتایا کہ چوہدری شجاعت حسین کا کہنا تھا کہ ملکی مفاد میں ذاتی مفادات کو پس پشت ڈالا جائے، ہم سب کا ایجنڈا “معاشی استحکام” ہونا چاہیے۔

ق لیگ کے مرکزی سیکرٹری اطلاعات نے مزید کہا کہ مسلم لیگ ق نئی حکومت کی غیر مشروط حمایت کرے گی۔