چھ جماعتی اتحاد قومی اسمبلی میں دو تہائی اکثریت سے محروم

ویب ڈیسک

25th Feb, 2024. 12:48 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

چھ جماعتی اتحاد قومی اسمبلی میں دو تہائی اکثریت سے محروم

اسلام آباد: چھ جماعتی اتحاد قومی اسمبلی میں دو تہائی اکثریت سے محروم ہے۔

رکن جماعتوں کے نمائندوں کے اشتراک کردہ اعداد و شمار کے مطابق حال ہی میں بننے والے چھ جماعتی اتحاد کو اگلی حکومت کی تشکیل کے لئے آنے والی قومی اسمبلی میں 207 ارکان کی واضح اکثریت حاصل ہوگی۔

اعدادو شمار میں بتایا گیا ہے کہ اس اتحاد میں پاکستان مسلم لیگ نواز (پی ایم ایل این)، پاکستان پیپلز پارٹی (پی پی پی)، متحدہ قومی موومنٹ پاکستان (ایم کیو ایم پی)، استحکام پاکستان پارٹی (آئی پی پی)، پاکستان مسلم لیگ قائد (پی ایم ایل کیو) اور بلوچستان عوامی پارٹی (بی اے پی) شامل ہیں۔

یہ بھی پڑھیں: قومی اسمبلی کا اجلاس بلانے کی تیاریاں

اس اتحاد کو قومی اسمبلی کے اسپیکر اور ڈپٹی اسپیکر کے آئینی عہدے بھی آسانی سے مل جائیں گے، اتحاد کی اجتماعی طاقت قومی اسمبلی میں واضح اکثریت بناتی ہے۔

حقیقت یہ ہے کہ یہ تشکیل دو تہائی اکثریت سے کم ہے جسے پارلیمنٹ کے ایوان زیریں میں تقریباً 224 ایم این ایز کی حمایت درکار ہے۔

اعداد و شمار میں مزید بتایا گیا کہ 336 ارکان کے ایوان میں حکومت سازی کے لیے 169 ووٹ جادوئی نمبر ہیں اور دو تہائی اکثریت کے لئے 224 کے قریب ووٹ درکار ہیں۔