سنی اتحاد کونسل کے بابر سلیم سواتی اور سنی اتحاد کونسل کی امیدوار ثریا بی بی ڈپٹی اسپیکر خیبر پختونخوا اسمبلی منتخب ہوگئے ہیں۔

 خیبرپختونخوا اسمبلی میں سنی اتحا د کونسل کے بابر سلیم سواتی 89 ووٹ لیکر سپیکر منتخب ہوگئے ہیں جبکہ ان کے مد مقابل احسان اللہ میانخیل نے 17 ووٹ لیے ہیں۔

نومنتخب اسپیکر نے حلف اٹھایا اور فوری طور  پر عہدہ سنبھالتے ہوئے ڈپٹی اسپیکر کے لئے پولنگ کے عمل کا آغاز کیا۔

پولنگ ختم ہونے کے بعد سنی اتحاد کونسل کی امیدوار ثریا بی بی ڈپٹی اسپیکر خیبر پختونخوا اسمبلی منتخب ہوئیں جنہوں نے 87 ووٹ حاصل کئے جبکہپی ٹی آئی پی کے ارباب وسیم حیات نے 19 ووٹ حاصل کئے۔

خیال رہے کہ ڈپٹی اسپیکر کے لئے مجموعی طور پر 106 ووٹ پول ہوئے جس میں سے کوئی بھی ووت مسترد نہیں ہوا ہے۔

خیبرپختونخوا اسمبلی کے اجلاس میں اسپیکر اور ڈپٹی اسپیکر کے انتخاب کیلئے پولنگ کا عمل جاری تھا۔

اس سے قبل صوبائی اسمبلی میں اسپیکر مشتاق غنی کی ریر صدارت اجلاس جاری ہے جس میں نامزد وزیراعلی سمیت اراکین اسمبلی نے اپنی شرکت کو یقینی بنایا۔

دوران اجلاس تورغر سے منتخب لائق محمد خان اورشانگلہ سے منتخب عبدامنعیم نے حلف اٹھایا جبکہ دونوں کا تعلق تحریک انصاف کے آزاد حمایت یافتہ امیدواروں سے ہے۔

اس کے علاوہ دو نومنتخب ارکان اسمبلی عبد المنعم اور لائق خان نے بھی حلف اٹھایا تاہم اسپیکر نے ان سے حلف لیا جس کے بعد نومنتخب ارکان نے رجسٹر پر دستخط کیے ہیں۔