عام انتخابات؛ خواتین امیدواروں سے متعلق فافن کی جائزہ رپورٹ جاری
اسلام آباد: فری اینڈ فیئر الیکشن نیٹ ورک (فافن) نے انتخابات 2024ء میں جنرل نشستوں پر سیاسی جماعتوں کی خواتین امیدواروں سے متعلق جائزہ رپورٹ جاری کردی۔
فری اینڈ فیئر الیکشن نیٹ ورک کی رپورٹ کے مطابق الیکشنز 2024ء میں جنرل نشستوں پر 111 سیاسی جماعتوں کی 275 خواتین امیدوار ہیں جبکہ خواتین امیدوار، قومی و صوبائی اسمبلیوں کی جنرل نشستوں پر سیاسی جماعتوں کے نامزد 6037 امیدواروں کا 4.6 فیصد ہیں۔
جنرل نشستوں پر 111 سیاسی جماعتوں کی 275 خواتین امیدوار
خواتین امیدواروں سے متعلق فافن کی جائزہ رپورٹ جاری
براہ راست دیکھیں:https://t.co/KT0R8kyqFw#BOLNews #Elections2024 pic.twitter.com/sG55UHJwMc— BOL Network (@BOLNETWORK) February 6, 2024
فافن نے یہ تجزیہ قومی و صوبائی اسمبلیوں کیلئے انتخابی امیدواروں کے فارم 33 کی بنیاد پر کیا۔
فری اینڈ فیئر الیکشن نیٹ ورک نے بتایا کہ مذکورہ قانون کا تکنیکی اطلاق جنرل نشستوں پر کم از کم 20 امیدوار نامزد کرنے والی جماعت پر ہوتا ہے، کل 111 سیاسی جماعتوں میں سے 30 جماعتوں نے 5 فیصد سے زائد خواتین امیدوار نامزد کیں۔
یہ بھی پڑھیں؛ خواتین ووٹرز کی تعداد میں نمایاں اضافہ، فافن نے انتخابی فہرستوں پر رپورٹ جاری کر دی
فافن کی رپورٹ کے مطابق چار سیاسی جماعتوں نے 4.5 سے 5 فیصد کے درمیان شرح سے خواتین امیدوار نامزد کیں جبکہ ستتر (77) جماعتوں نے 4.5 فیصد تک خواتین امیدوار نامزد کیں۔
فری اینڈ فیئر الیکشن نیٹ ورک نے مزید بتایا کہ قومی اسمبلی کے انتخابی حلقوں پر 94 جماعتوں کے 1872 امیدوار، 4.91 فیصد یعنی 92 خواتین امیدوار ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
