الیکشن کمیشن آف پاکستان نے کراچی کی قومی اسمبلی کی 22 نشستوں میں سے 21 نشستوں پر کامیاب امیدواروں کا نوٹیفکیشن جاری کر دیا ہے۔

الیکشن کمیشن کی جانب سے این اے 229 ملیر ون سے پیپلز پارٹی کے جام عبدالکریم بجار، این اے 230 ملیر ٹو سے پیپلز پارٹی کے سید رفیع اللہ اور این اے 231 ملیر تھری سے پیپلز پارٹی کے عبدالحکیم بلوچ کی کامیابی کا نوٹیفکیشن جاری کیا گیا۔

این اے 232 کورنگی کراچی ون سے ایم کیو ایم کی آسیہ اسحاق، این اے 23 کورنگی کراچی ٹو سے ایم کیو ایم کے محمد جاوید حنیف، این اے 234 کورنگی کراچی تھری سے ایم کیو ایم کے محمد معین عامر پیرزادہ اور این اے 235 کراچی شرقی ون سے ایم کیو ایم کے محمد اقبال خان کی کامیابی کا نوٹیفکیشن جاری کیا گیا۔

الیکشن کمیشن نے این اے 236 کراچی شرقی ٹو سے ایم کیو ایم کے حسان صابر جبکہ این اے 237 کراچی شرقی تھری سے پیپلز پارٹی کے اسد اسلم نیازی اور این اے 239 کراچی ساؤتھ ون سے پیپلز پارٹی کے نبیل گبول کی کامیابی کا نوٹیفکیشن جاری کردیا۔

علاوہ ازیں این اے 240 کراچی ساؤتھ ٹو سے ایم کیو ایم کے ارشد وہرا، این اے 241 کراچی ساؤتھ تھری سے پیپلز پارٹی کے مرزا اختیار بیگ، این اے 242 کراچی کیماڑی ون سے ایم کیو ایم کے سید مصطفیٰ کمال، این اے 243 کراچی کیماڑی ٹو سے پیپلز پارٹی کے عبدالقادر پٹیل جبکہ این اے 244 کراچی غربی ون سے ایم کیو ایم کے فاروق ستار اور این اے 245 کراچی غربی ٹو سے ایم کیو ایم کے سید حفیظ الدین کامیابی کا نوٹیفکیشن جاری کیا گیا۔

مزید برآں این اے 246 کراچی غربی تھری سے ایم کیو ایم کے سید امین الحق، این اے 247 کراچی سینٹرل ون سے ایم کیو ایم کے خواجہ اظہار الحسن، این اے 248 کراچی سینٹرل ٹو سے ایم کیو ایم کے خالد مقبول صدیقی، این اے 249 کراچی سینٹرل تھری سے ایم کیو ایم کے احمد سلیم صدیقی اور این اے 250 کراچی سینٹرل فور سے ایم کیو ایم کے فرحان چشتی کی کامیابی کا بھی نوٹیفکیشن جاری کردیا گیا۔