عدالتی احکامات کے باوجود بانی پی ٹی آئی سے ملاقات نہیں کرائی جارہی، عمر ایوب

ویب ڈیسک

22nd Feb, 2024. 02:56 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

عدالتی احکامات کے باوجود بانی پی ٹی آئی سے ملاقات نہیں کرائی جارہی، عمر ایوب

راولپنڈی: پاکستان تحریک انصاف (پی ٹی آئی) کے رہنما عمر ایوب نے کہا ہے کہ عدالتی احکامات کے باوجود بانی پی ٹی آئی سے ملاقات نہیں کرائی جارہی۔

پی ٹی آئی رہنما عمر ایوب نے اڈیالہ جیل کے باہر میڈیا سے گفتگو کرتے ہوئے کہا کہ میرے پاس اینٹی دہشت گردی عدالت کے جج ملک اعجاز آصف کے احکامات موجود ہیں، عدالتی احکامات میں آج کے دن بانی پی ٹی آئی سے ملنے کی اجازت موجود ہے، ڈیڑھ گھنٹے سے ہم یہاں عدالتی احکامات لے کر موجود ہیں۔

انہوں نے کہا کہ میں مطالبہ کرتا ہوں کہ پاکستان میں رول آف لاء کو یقینی بنایا جائے، جیل انتظامیہ عدالتی احکامات کو ماننے سے انکاری ہیں، ہم کس عدالت کے پاس جائیں، کیا ہم اپنے لیڈر سے ملاقات کے لیے انٹرنیشنل کورٹ کے اندر جائیں۔

پی ٹی آئی رہنما کا کہنا تھا کہ بانی پی ٹی آئی نے مجھے قومی اسمبلی میں وزرات عظمی کا امیدوار نامزد کیا ہے، ملاقات کرنا میرا قانون حق ہے اور مجھے اس حق سے محروم رکھا جارہا ہے۔

عمر ایوب نے مزید کہا کہ مجھے بتایا جائے کہ ہم کہاں جائیں، میں احکامات لے کر واپس عدالت جارہا ہوں، محسن نقوی، ڈاکٹر عثمان، آئی جی جیل خانہ جات اور وزیراعظم کس چیز سے خائف ہیں۔