شکست کی صورت میں پاکستان تحریک انصاف (پی ٹی آئی) کا الیکشن کو متنازعہ بنانے کا نیا ہتھکنڈہ بے نقاب ہو گیا۔

پی ٹی آئی سے وابستہ امیدوار کی اپنے پولنگ ایجنٹس کو ہدایات کی آڈیو سامنے آ گئی۔

پاکستان تحریک انصاف کے کارکن علی رضا خان خاکوانی اور عبدالغفار کی مبینہ آڈیو کال سوشل میڈیا پر لیک ہوگئی ہے۔

پی ٹی آئی کا الیکشن کو متنازع بنانے کا نیا ہتھکنڈا بے نقاب
پی ٹی آئی کارکن علی رضا خاکوانی اور عبد الغفار کی مبینہ آڈیو لیک
براہ راست دیکھیں:https://t.co/RcMufX3bGA #Elections2024 #BOLNews pic.twitter.com/8leF713abc

Advertisement

— BOL Network (@BOLNETWORK) February 8, 2024

مبینہ آڈیو میں سنا جاسکتا ہے کہ جیت گئے تو ٹھیک، ہار گئے تو الیکشن کو متنازعہ بنا دو۔

امیدوار علی رضا خاکوانی نے آڈیو میں کہا کہ گنتی میں دیکھو، ہار گئے ہیں تو فارم 45 پر اپنے دستخط غلط کر دینا، جس پر پولنگ ایجنٹ نے کہا کہ جی سر، ایسا ہی کروں گا۔

پی پی 236 وہاڑی سے پی ٹی آئی کے امیدوار نے دعویٰ کیا ہے کہ ریٹرنگ و پریذائیڈنگ بھی غلط دستخط کر دے گا۔

واضح رہے کہ پاکستان بھر میں عام انتخابات 2024 کے لیے پولنگ کے عمل کا آغاز ہوگیا ہے، تاہم پولنگ کا عمل بغیر کسی وقفے کے صبح 8 بجے سے شام 5 بجے تک جاری رہے گا۔

قومی اور چاروں صوبائی اسمبلیوں کے 855 حلقوں کیلئے 12 کروڑ 79 لاکھ سے زیادہ رجسٹرڈ ووٹرز اپنا حق رائے دہی استعمال کریں گے جبکہ ان انتخابات میں ملک کی انتخابی تاریخ میں سب سے زیادہ امیدوار حصہ لے رہے ہیں جن کی تعداد 17 ہزار  سے زائد ہے جن میں 11 ہزار سے زائد آزاد امیدوار ہیں۔

ملک بھر میں 90 ہزار 675 میں سے 46 ہزار 65 پولنگ اسٹیشنز کو حساس و انتہائی حساس قرار دیا گیا ہے جبکہ شفاف پولنگ کے لیے مختلف شہروں میں مانیٹرنگ سیلز قائم کیے گئے ہیں۔