مراد علی شاہ تیسری بار سندھ کے وزیر اعلیٰ منتخب

ویب ڈیسک

26th Feb, 2024. 03:17 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

مراد علی شاہ تیسری بار سندھ کے وزیر اعلیٰ منتخب
بڑی سیاسی ہلچل، ن لیگ اور پیپلز پارٹی کا آزاد کشمیر حکومت کے خلاف عدم اعتماد لانے کا فیصلہ
جنرل ساحر شمشاد مرزا کا دورہ بنگلادیش، دفاعی و سلامتی تعاون مزید مضبوط بنانے پر اتفاق
اردن، فیلڈ مارشل سید عاصم منیر کی شاہ عبداللہ دوم سے ملاقات، دفاعی و سلامتی تعاون بڑھانے پر اتفاق

Now Reading:

مراد علی شاہ تیسری بار سندھ کے وزیر اعلیٰ منتخب

سندھ اسمبلی میں وزیر اعلیٰ کے لئے ہونے والے انتخاب میں پاکستان پیپلز پارٹی کے مراد علی شاہ تیسری بار وزیر اعلیٰ سندھ منتخب ہوگئے۔

سندھ کے وزیر اعلیٰ کے انتخاب کے سلسلے میں سندھ اسمبلی کا اجلاس اسپیکر اویس قادر شاہ کی زیر صدارت آدھے گھنٹے کی تاخیر سے شروع ہوا جس میں پیپلز پارٹی کے نامزد سید مراد علی شاہ کو وزیر اعلیٰ سندھ منتخب کردیا گیا۔

وزیر اعلیٰ سندھ کیلئے پاکستان پیپلز پارٹی (پی پی) کے مراد علی شاہ اور متحدہ قومی موومنٹ (ایم کیو ایم) پاکستان کے علی خورشیدی کے درمیان مقابلہ ہوا تھا۔

مراد علی شاہ مسلسل تیسری بار وزیر اعلیٰ سندھ منتخب ہوئے ہیں، تاہم مراد علی شاہ 112 ووٹ حاصل کر کے وزیر اعلیٰ سندھ منتخب ہوئے جبکہ ایم کیو ایم پاکستان کے علی خورشیدی 36 ووٹ حاصل کر سکے۔

اس سے قبل پیپلز پارٹی کے نومنتخب ممبر صوبائی اسمبلی نادر مگسی نے حلف اٹھایا جبکہ اسپیکر اویس قادر شاہ نے ان سے حلف لیا۔

سندھ اسمبلی میں نادر مگسی کے حلف اٹھانے کے بعد پیپلز پارٹی کے اراکین کی تعداد 112 ہوگئی جبکہ ایم کیو ایم ارکان کی کل تعداد 36، سنی اتحاد کونسل کے ارکان کی کل تعداد 9 اور جماعت اسلامی کا ایک رکن اسمبلی ہے۔

واضح رہے کہ نومنتخب وزیر اعلیٰ سندھ کی تقریب حلف برداری کل شام گورنر ہاؤس میں منعقد ہو گی۔