الیکشن کی سیکیورٹی کیلئے الیکشن کمیشن کے انتظامات حتمی شکل پاگئے

ویب ڈیسک

07th Feb, 2024. 10:44 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

الیکشن کی سیکیورٹی کیلئے الیکشن کمیشن کے انتظامات حتمی شکل پاگئے

الیکشن 2024 کی فول پروف سیکیورٹی کیلئے الیکشن کمیشن آف پاکستان کے انتظامات حتمی شکل پاگئے۔

عام انتخابات کیلئے الیکشن کمیشن نے سیکیورٹی کے اقدامات ترجیہی بنیادوں پر کر لیے، ملک بھر کے پولنگ اسٹیشنز پر پولیس اور فوج کی تعیناتی شروع ہوگئی، پولیس اور سیکیورٹی فورسز کے دستے تمام اضلاع میں پہنچ گئے۔

عام انتخابات کے حوالے سے قانون نافذ کرنے والے اداروں کے فلیگ مارچ بھی جاری ہیں، مشترکہ فلیگ مارچ میں پاک فوج کے چاق و چوبند دستوں سمیت فرنٹیئر کور، پولیس اور ضلعی انتظامیہ کے منتظمین نے حصہ لیا۔

پاک فوج، رینجرز اور پولیس نے مشترکہ طور پر کراچی سمیت صوبہ سندھ کے دیگر شہروں میں بھی فلیگ مارچ کیا جبکہ فیصل آباد، ٹوبہ ٹیک سنگھ اور جہلم میں بھی فلیگ مارچ کیا۔

یہ بھی پڑھیں: الیکشن میں ایک دن باقی؛ پولنگ عملے کو انتخابی سامان کی ترسیل شروع

قانون نافذ کرنے والے اداروں کی جانب سے پنڈ دادن خان اور تلہ گنگ میں بھی فلیگ مارچ کیا گیا جبکہ حب میں بھی فلیگ مارچ کیا گیا جو باب بلوچستان سے شروع ہوا۔

پاک فوج کے جوان پولنگ اسٹیشنز کے باہر سیکیورٹی کیلئے کوئیک رسپانس فورس کے طور پر تعینات ہوں گے۔

واضح رہے کہ پاکستان میں قومی اسمبلی اور چاروں صوبائی اسمبلیوں کے عام انتخابات کل ہوں گے۔