لاہور ہائیکورٹ، ریسٹورنٹس کو افطار سے سحری تک کھولنے کی اجازت

ویب ڈیسک

13th Mar, 2024. 11:14 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

لاہور ہائیکورٹ، ریسٹورنٹس کو افطار سے سحری تک کھولنے کی اجازت

لاہور ہائیکورٹ نے ریسٹورنٹس کو افطار سے سحری تک کھلا رکھنے کی اجازت دے دی۔

تفصیلات کے مطابق جسٹس شاہد کریم نے اسموگ کے تدارک سے متعلق گزشتہ سماعت کا تحریری حکم جاری کیا۔

عدالت نے طالبعلموں سےکمیونٹی سروسز اور صفائی کی مہم کا لاہور ویسٹ مینجمنٹ سے حتمی پلان طلب کرلیا۔

عدالت نے ماحولیات سے متعلق اسکول کے بچوں کو ہفتے میں ایک روز پریکٹیکل کرانے کی ہدایت دیتے ہوئے کہا ہے کہ آئندہ سماعت پر نصاب سے متعلق رپورٹ پیش کی جائے۔

تحریری حکم نامے میں کہا گیا ہے کہ سرکاری وکیل کی رپورٹ کے مطابق ٹائر جلانے والے تمام یونٹس کی بجلی منقطع کر دی ہے، لیسکو اہلکاروں کو درخت کاٹنے سے روکنے کی ہدایات جاری کی گئی ہیں۔

لاہور ہائی کورٹ نے کہا کہ لیسکو نے اگر کوئی درخت کاٹنا ہو تو پہلے پی ایچ اے کو آگاہ کرے۔