وزیرتعلیم پنجاب کا اپوا کالج کی 10 طالبات کو اپنی جیب سے اسکالرشپ دینے کا اعلان

ویب ڈیسک

22nd Mar, 2024. 11:23 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وزیرتعلیم پنجاب کا اپوا کالج کی 10 طالبات کو اپنی جیب سے اسکالرشپ دینے کا اعلان

لاہور: وزیر تعلیم پنجاب رانا سکندر حیات نے اپوا کالج کی 10 طالبات کو اپنی جیب سے سالانہ اسکالرشپ دینے کا اعلان کیا ہے۔

وزیر تعلیم رانا سکندر حیات نے اپوا کالج میں سیمینار سے خطاب کرتے ہوئے کہا کہ تعلیم حاصل کرنے والی لڑکیوں کی حوصلہ افزائی کیلئے سالانہ 10 لڑکیوں کو اسکالرشپ دوں گا، اسکالرشپ حکومت کی طرف سے نہیں، میری ذاتی جیب سے ادا ہوگی۔

انہوں نے کہا کہ لڑکیوں کی تعلیم کیلئے جامع ٹرانسپورٹ پالیسی بنا رہے ہیں، اقدام سے دور دراز علاقوں کی بچیوں کو آمد و رفت میں سہولت ہوگی۔

رانا سکندر حیات نے مزید کہا کہ وزیر اعلیٰ پنجاب کے ویژن کے مطابق گرلز ایجوکیشن پر خصوصی توجہ دیں گے، لڑکیوں کو تعلیم کے مواقع دینے کیلئے مختلف منصوبہ جات زیر غور ہیں۔

بعدازاں وزیر تعلیم نے اپوا کالج کی پرنسپل کو 2 دن میں 10 بچیوں کے نام بھیجنے کی ہدایت کردی۔