پشاور میں بورڈ بازار کے قریب دھماکے میں 2 افراد جاں بحق ہوگئے۔

پولیس کے مطابق خیبرپختونخوا کے ضلع پشاور میں بورڈ بازار کے قریب مبینہ موٹر سائیکل میں دھماکہ ہوا ہے جس کے نتیجے میں 2 افراد جاں بحق جبکہ ایک شخص زخمی ہوا ہے۔

ریسکیو حکام کے مطابق تمام افراد کو خیبر ٹیچنگ اسپتال منتقل کر دیا گیا ہے، تاہم دھماکے میں زخمی ہونے والے کا نام عثمان عمر 30 سال ہے جبکہ زخمی شخص کی حالت تشویشناک ہے جس کو ابتدائی طبی امداد دی جارہی ہے۔

پولیس اور قانون نافذ کرنے والے اداروں نے جائے وقوعہ پر پہنچ کر علاقے کو گھیرے میں لے کر سرچ آپریشن جاری شروع کردیا ہے۔

علاوہ ازیں مبینہ دھماکے کی نوعیت معلوم کرنے کیلئے بی ڈی یو ٹیم، سی ٹی ڈی اور دیگر یونٹس بھی موقع پر موجود ہیں۔

اس حوالے سے ایس ایس پی آپریشنز کاشف آفتاب عباسی نے بتایا کہ بورڈ بازار ناصر باغ روڈ کی مرکزی شاہرہ پر موٹر سائیکل پر بارودی مواد دھماکہ ہوا، دھماکے کی نوعیت اور بارودی مقدار کے حوالے سے تفتیش ہورہی ہے۔

ایس ایس پی کاشف عباسی نے مزید کہا کہ بارود سے بھری موٹر سائیکل میں دھماکہ ہوا ہے، ائے وقوعہ سے انسانی جسم کے اعضاء ملے ہیں، دھماکے کی نوعیت کو جانچنے کے لئے ٹیمیں کام کررہے ہیں جبکہ دھماکے میں زخمی اور ہلاک ہونے والوں کی بھی تصدیق کررہے ہیں۔