صدارتی انتخاب میں 3 روز باقی؛ پیپلزپارٹی کو ایم کیو ایم کے جواب کا انتظار

ویب ڈیسک

06th Mar, 2024. 12:39 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

صدارتی انتخاب میں 3 روز باقی؛ پیپلزپارٹی کو ایم کیو ایم کے جواب کا انتظار

کراچی: ملک کے صدارتی انتخاب میں 3 روز باقی رہ گئے ہیں، تاہم صدر پاکستان کے الیکشن کیلئے آصف زرداری کو ووٹ دینے پر پاکستان پیپلز پارٹی (پی پی) کو متحدہ قومی موومنٹ (ایم کیو ایم) پاکستان کے جواب کا انتظار ہے۔

ذرائع کے مطابق صدارتی انتخاب کے لئے پیپلز پارٹی کے وفد کو ایم کیو ایم کے گرین سگنل کا انتظار ہے، گرین سگنل ملتے ہی پیپلز پارٹی کا وفد بہادر آباد جائے گا۔

ذرائع نے بتایا ہے کہ پیپلز پارٹی اور ایم کیو ایم میں پہلے ہی رابطے ہوچکے ہیں جبکہ ایم کیو ایم رابطہ کمیٹی کا اجلاس آج ایک بار پھر ہوگا۔

گزشتہ روز ایم کیو ایم نے صدر پاکستان کے الیکشن کیلئے آصف زرداری کو ووٹ دینے پر آمادگی ظاہر کردی تھی، رابطہ کمیٹی کے اجلاس میں خالد مقبول صدیقی نے آصف زرداری سے رابطے سے آگاہ کیا۔

رابطہ کمیٹی کے ارکان کو بتایا گیا کہ پی پی نے ایم کیو ایم کی آئینی ترامیم پر تعاون کی یقین دہانی کرائی ہے۔