شہرِ قائد میں بڑھتے ہوئے اسٹریٹ کرائمز کے واقعات کے حوالے سے میڈیا رپورٹس پر وزیر داخلہ سندھ نے تفصیلات طلب کرلی۔
میڈیا رپورٹس کے مطابق گزشتہ رات سے لیکر اب تک شہر کے مختلف مقامات پر ڈکیتی کے دوران بے گناہ شہریوں کے قتل اور زخمی کیے جانے کے تین واقعات ہوچکے ہیں۔
ضلعی ایس ایس پیز کراچی سے پولیس ایکشن اور انسدادی اقدامات پر مشتمل تفصیلات طلب کی گئی ہیں۔
وزیر داخلہ سندھ ضیاء الحسن لنجار نے ہدایت کی ہے کہ تمام ایس ایس پیز سرکاری موبائلز پر علاقوں میں نکلیں، زونل ڈی آئی جیز اپنی نگرانی میں شہریوں کے تحفظ جیسے اقدامات کو یقینی بنائیں۔
انہوں نے کہاکہ ضلعی سطح پر پولیس سیکیورٹی پلان پر عمل درآمد کو یقینی بنایا جائے، ماہ صیام کے بقیہ دونوں عشروں کو شہریوں کے لیئے محفوظ بنایا جائے ،اسٹریٹ کریمنلز کے خلاف سخت ایکشن لیا جائے۔
Advertisement
وزیر داخلہ سندھ نے کہا کہ ڈکیتی, رہزنی سمیت دوران واردات شہریوں کو قتل یا زخمی کرنیوالے ملزمان کو نکیل ڈالی جائے، پولیس گشت, پکٹنگ, ریکی,نگرانی اور انٹیلی جینس کی بدولت انسداد جرائم کو یقینی بنایا جائے۔
انہوں نے مزید کہاکہ مساجد, امام بارگاہوں, مرکزی شاپنگ سینٹرز, بازاروں وغیرہ پر بائی نیم سیکیورٹی ڈپلائمنٹ کی جائے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
