درندگی کے مرتکب افراد سے آہنی ہاتھوں سے نمٹا جائے، مریم نواز

ویب ڈیسک

31st Mar, 2024. 11:35 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

درندگی کے مرتکب افراد سے آہنی ہاتھوں سے نمٹا جائے، مریم نواز

وزیراعلیٰ پنجاب مریم نواز کا کہنا ہے کہ درندگی کے مرتکب افراد سے آہنی ہاتھوں سے نمٹا جائے۔

تفصیلات کے مطابق وزیر اعلیٰ پنجاب مریم نواز شریف نے میانوالی مدر اینڈ چائلڈ اسپتال میں آیا سے 2 افراد کی مبینہ زیادتی کے واقعہ کا نوٹس لے لیا ہے۔

وزیر اعلیٰ مریم نواز شریف نے انسپکٹر جنرل پولیس سے واقعے کی رپورٹ طلب کر لی۔

مریم نواز نے ہدایت جاری کی کہ واقعہ کی جامع تحقیقات کرائی جائیں اور ملزمان کو قرار واقعی سزا دلوائی جائے۔

میانوالی مدر اینڈ چائلڈ اسپتال کی آیا کو 2 افراد نے مبینہ زیادتی کا نشانہ بنادیا، ایک ملزم کو گرفتار کرلیا گیا۔

پولیس کے مطابق اسپتال کی آیا کو 2 افراد اسپتال لے جانے کا دھوکہ دے کر لے گئے، جہاں ویرانے میں لے جاکر دونوں ملزمان نے زیادتی کی۔

متاثرہ خاتون کا کہنا ہے کہ زیادتی کے بعد ملزمان فرار ہوگئے اور جاتے ہوئے دھمکی دی کہ کسی کو بتایا تو بہت برا ہوگا۔

پولیس نے ملزمان کے خلاف مقدمہ درج کرکے تفتیش شروع کردی ہے۔