کراچی سے لیکر خیبر تک عوام مہنگائی سے پریشان

ویب ڈیسک

22nd Mar, 2024. 03:45 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کراچی سے لیکر خیبر تک عوام مہنگائی سے پریشان

رمضان کے بابرکت مہینے میں بھی پاکستان میں کراچی سے لیکر خیبر تک عوام مہنگائی سے پریشان ہیں۔

ماہ رمضان میں حکومتی دعوے دھرے رہ گئے ، مہنگائی کا طوفان تھمنے کا نام نہیں لے رہا، رمضان المبارک کا پہلا عشرہ مکمل ہوچکا لیکن اشائے خورونوش کی قیمتوں میں کمی نہ آسکی۔

ملک بھر میں منافع خور پھل ، سبزی ، گوشت کے دام دن بدن بڑھا رہے ہیں۔ لیکن انہیں کوئی پوچھنے والا نہیں۔

کوئٹہ میں سیب 300 سے 400 روپے ، اسٹرابیری 400 سے 600 روپے ، کیلے 150 سے 200 روپے درجن فروخت ہورہے ہیں۔

پیاز 250 سے 350 اور ٹماٹر 180 روپے فی کلو دستیاب ہے۔

فیصل آباد کے شہری بھی دہرے عذاب میں مبتلا ہیں، پھل روزے داروں کیلئے خواب بن گیا ہے۔

فیصل آباد میں سیب 300سے 350روپے فی کلو، خربوزہ 200 سے 250 روپے کلو اور کینو 350 سے 400 روپے درجن میں فروخت ہورہا ہے۔

متاثرین کا کہنا ہےکہ مہنگائی اتنی بڑھ گئی ہے، کہ اب دو وقت کی جگہ ایک وقت کی روٹی کی فکر ستانے لگی ہے، ڈر ہے کہیں حکومت ان سے یہ بھی نہ چھین لے۔