سیکریٹری کامرس خرم آغا آج سے افغانستان کا دورہ کریں گے، ترجمان دفتر خارجہ

ویب ڈیسک

25th Mar, 2024. 11:23 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سیکریٹری کامرس خرم آغا آج سے افغانستان کا دورہ کریں گے، ترجمان دفتر خارجہ

ترجمان دفتر خارجہ ممتاز زہرا بلوچ نے کہا ہے کہ سیکریٹری کامرس خرم آغا آج سے افغانستان کا دورہ کریں گے۔

دفتر خارجہ کی ترجمان ممتاز زہرا بلوچ نے اپنے جاری کردہ بیان میں کہا کہ سیکریٹری تجارت خرم آغا آج افغانستان کا 2 روزہ دورہ کریں گے تاکہ تجارت سے متعلق امور پر تبادلہ خیال کیا جا سکے۔

انہوں نے کہا کہ پاک-افغان ٹرانزٹ ٹریڈ اور دوطرفہ تجارت میں حائل رکاوٹوں کو دور کرنے کے لیے وزارت تجارت آج کابل پہنچے گا، پاکستانی وفد کا دورہ 2 روز پر محیط ہو گا، وفد کی سربراہی سیکرٹری تجارت خرم آغا کریں گے۔

ترجمان کا کہنا تھا کہ افغان حکام متعدد ٹرانزٹ اشیا پر پابندی کے معاملے پر بات کریں گے، تاہم پاکستان نے ٹرانزٹ معاہدے کے تحت بعض اشیاء کی درآمد پر پابندی لگا دی ہے۔

ممتاز زہرا بلوچ نے کہا کہ تجارتی مذاکرات پاکستانی فضائی حملوں کے بعد دوطرفہ تعلقات کو معمول پر لانے کے لیے کوششوں کا حصہ ہیں۔

انہوں نے کہا کہ افغان ناظم الامور سردار شکیب احمد اسلام آباد میں اپنی ملاقاتوں کے بارے میں حکام کو بریفنگ دینے کے لیے کابل پہنچ چکے ہیں۔

ترجمان دفتر خارجہ نے مزید کہا کہ پاکستان افغانستان کے ساتھ تجارت اور عوام کے درمیان تعلقات کو فروغ دینے کے لیے پرعزم ہے۔