شمالی وزیرستان چیک پوسٹ حملے کی مذمتی قرارداد پنجاب اسمبلی میں جمع

ویب ڈیسک

18th Mar, 2024. 10:21 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

شمالی وزیرستان چیک پوسٹ حملے کی مذمتی قرارداد پنجاب اسمبلی میں جمع

لاہور: شمالی وزیرستان میں چیک پوسٹ پر حملے کی مذمتی قرارداد پنجاب اسمبلی میں جمع کرادی گئی ہے۔

پاکستان مسلم لیگ (ن) کی رکن پنجاب اسمبلی کنول لیاقت ایڈووکیٹ نے شمالی وزیرستان میں چیک پوسٹ پر خودکش حملے کی مذمتی قرارداد اسمبلی میں جمع کروائی۔

قرارداد کے متن کے مطابق پنجاب اسمبلی کا یہ ایوان شمالی وزیرستان میر علی چیک پوسٹ پر دشمن کے بزدلانہ حملے کی بھرپور مذمت کرتا ہے۔

کنول لیاقت ایڈووکیٹ نے قرارداد میں کہا کہ پوری قوم دہشت گردی کے اس حملے میں شہادت کا بلند رتبہ پانے والے فوجی جوانوں کو خراج عقیدت پیش کرتا ہے، پنجاب اسمبلی کا یہ ایوان اپنے بہادر سپوتوں کو سلام پیش کرتا ہے۔

مزید پڑھیں: میرعلی میں دہشتگردوں کا سیکیورٹی چیک پوسٹ پر حملہ، لیفٹیننٹ کرنل اور کیپٹن سمیت 7 جوان شہید

قرارداد کے متن میں مزید کہا گیا کہ پوری قوم متحد ہو کر پاکستان فوج کے ساتھ کھڑی ہے اور شہدائے وطن کی لازوال قربانیاں ناقابل فراموش ہیں، جام شہادت نوش کرنے والے شہداء ہمارا فخر ہیں۔

واضح رہے کہ دو روز قبل سیکیورٹی فورسز کے 7 اہلکار شمالی وزیرستان میں دہشت گردوں کی دراندازی کی کوشش کو ناکام بناتے ہوئے شہید ہوگئے تھے۔