پاکستان اور آئی ایم ایف کے درمیان مذاکرات آج بھی جاری رہیں گے

عمر حیات خان

19th Mar, 2024. 10:25 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاکستان اور آئی ایم ایف کے درمیان مذاکرات آج بھی جاری رہیں گے

آئی ایم ایف کا مشن؛ گورننس اور کرپشن کے خاتمے پر اصلاحات کا جائزہ لے گا

اسلام آباد: بین الاقوامی مالیاتی فنڈ (آئی ایم ایف) کے ساتھ پاکستان کے مذاکرات آج بھی جاری رہیں گے۔

ذرائع کے مطابق آئی ایم ایف وفد اور معاشی ٹیم کے درمیان آج مختصر مذاکرات ہوں گے، آج آئی ایم ایف کیساتھ مذاکرات میں نئے قرض پروگرام پر بات چیت ہو گی۔

ذرائع کا کہنا ہے کہ آئی ایم ایف کے ساتھ لیٹر آف انٹینٹ پر بھی آج کے مذاکرات میں بات چیت ہو گی، لیٹر آف انٹینٹ پر مشاورت مکمل ہونے کے بعد ایگریمنٹ کی طرف بڑھیں گے۔

ذرائع نے مزید بتایا کہ آئی ایم ایف وفد کو آج معاشی ٹیم کی جانب سے ڈنر بھی دیا جائے گا۔

مزید پڑھیں: پاکستانی وفد کا آئی ایم ایف کیساتھ مذاکرات مکمل نہ ہوسکے

واضح رہے کہ عالمی مالیاتی فنڈ (آئی ایم ایف) کا وفد اس وقت پاکستان میں موجود ہے جہاں قومی معاشی ٹیم کے ساتھ مذاکرات کررہی ہے جنہیں اب تک حتمی شکل نہیں دی جاسکی۔

گزشتہ روز پاکستانی معاشی ٹیم کے آئی ایم ایف کے ساتھ مذاکرات مکمل نہ ہو سکے تھے، تاہم مذاکرات مکمل نہ ہونے پر ان میں 1 روز کی توسیع کی گئی تھی۔