لاہور: وزیر اعلیٰ مریم نواز شریف نے کہا ہے کہ پنجاب میں گردوں کے علاج کی بہترین اور مفت سہولیات فراہم کی جائیں گی۔
گردوں کے امراض کے عالمی دن پر وزیر اعلیٰ پنجاب مریم نواز نے اپنے جاری کردہ بیان میں کہا کہ صحتمند زندگی کے لیے گردوں کی صحت کا خیال رکھنا بہت ضروری ہے۔
انہوں نے کہا کہ اس سال کے تھیم “علاج کے لیے یکساں رسائی کا فروغ اور ادویات کا بہتر استعمال” پر عمل کرتے ہوئے پنجاب میں گردوں کے علاج کی بہترین اور مفت سہولیات فراہم کی جائیں گی۔
مریم نواز نے کہا کہ قائد محمد نواز شریف کی جانب سے شروع کی گئی مفت ڈالیسیز کی سہولیات کو مزید بہتر کیا جائے گا، گردوں کے امراض کے مستند علاج کے لیےمفت کڈنی ٹرانسپلانٹ شروع کیا گیا ہے۔
وزیر اعلیٰ نے مزید کہا کہ گردوں کے عالمی دن پر گردوں کا عطیہ کرنے والے تمام افراد کو خراج تحسین پیش کرتی ہوں، گردوں کے امراض کے علاج میں مصروف تمام ڈاکٹرز نرسنگ اسٹاف کی کاوشیں قابل تحسین ہیں۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
