کیپٹن صفدر نے اعظم سواتی کے کاغذاتِ نامزدگی پر اعتراض اٹھا دیا

ویب ڈیسک

25th Mar, 2024. 11:27 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کیپٹن صفدر نے اعظم سواتی کے کاغذاتِ نامزدگی پر اعتراض اٹھا دیا

مسلم لیگ ن کے رہنما کیپٹن (ر) صفدر نے سینٹ کے امیدوار اعظم سواتی کے کاغذات نامزدگی پر اعتراض اٹھایا ہے۔

پشاور میں مسلم لیگ ن کے رہنما کیپٹن (ر) صفدر نے میڈیا سے گفتگو کرتے ہوئے کہا ہے کہ عام انتخابات میں بھی اعتراض کے بعد اعظم سواتی کو نااہل کیا گیا تھا۔

انہوں نے کہا کہ خیبر پختونخوا حکومت پہلے 1100 ارب روپے کا قرض تو ختم کرے، آئندہ 5 سال میں کے پی کے تباہ ہونے جا رہا ہے، زبانی باتوں سے ٹرین نہیں چلتی، علی امین گنڈا پور نے خواب میں ٹرین چلائی ہو گی۔

ن لیگی رہنما کا کہنا ہے کہ خیبر پختونخوا حکومت شہباز شریف کی نقل کر رہی ہے، کے پی کے میں آٹا نہیں، دیگر بنیادی مسائل ہیں،خیبرپختونخوا کا صوبہ کشمیر اور گلگت بلدستان سے بھی پیچے رہ گیا ہے۔

کیپٹن (ر) صفدر نے مزید کہاکہ بانی پی ٹی آئی کو جیل میں دیسی مرغی اور انڈے مل رہے ہیں، انہیں اور کیا چاہیے؟ اتنی عیاشی تو اس نے پوری زندگی میں نہیں کی، جتنی کے جیل میں کر رہا ہے۔