کراچی میں ٹریفک کے مسائل؛ مرتضیٰ وہاب کا وزیراعظم کے نام خط

ویب ڈیسک

30th Apr, 2024. 03:31 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کراچی میں ٹریفک کے مسائل؛ مرتضیٰ وہاب کا وزیراعظم کے نام خط

میئر کراچی بیرسٹر مرتضیٰ وہاب نے وزیر اعظم پاکستان شہباز شریف کے نام خط لکھا جس میں انہوں نے کراچی کے ٹریفک کے مسائل سے متعلق وزیر اعظم سے کردار ادا کرنے کی درخواست کی۔

مرتضیٰ وہاب اپنے خط میں لکھا کہ گرین لائن بس سروس منصوبہ سندھ انفرا اسٹرکچر کمپنی نے مکمل کرنا تھا، نمائشی چورنگی سے میونسپل پارک جامع کلاتھ مارکیٹ تک بہت بری صورتحال ہے، بری صورتحال اور ٹریفک کی روانی کا مسئلہ گرین لائن منصوبے کا نامکمل ٹریک ہے۔

خط میں بتایا گیا کہ لاکھوں لوگوں کو ایم اے جناح روڈ سے روزانہ گزر ہوتا ہے جنہیں مشکلات کا سامنا ہے اور لیاری ایکسپریس وے منصوبے پر ہیوی ٹریفک پر عائد پابندی کی وجہ سے بھی اندرون شہر مسائل ہیں۔

میئر کراچی نے خط میں کہا کہ لیاری ایکسپریس وے کے ماہرین نے بتایا کہ اس منصوبے پر ہیوی ٹریفک چل سکتی ہے، لیاری ایکسپری وے پر کراچی پورٹ سے ملک بھر میں جانے اور آنے والی گاڑیوں کو اجازت دی جائے۔

مرتضیٰ وہاب نے مزید کہا کہ وزیر اعظم صاحب آپ کی دلچسپی اور قائدانہ صاحتیوں نے لاہور کو تبدیل کیا، کراچی میں ٹریفک کے مسائل بھی آپ کی توجہ کے منتظر ہیں۔