سعودی سرمایہ کاری کے حوالے سے ایس آئی ایف سی کا کردار انتہائی اہم ہے، وزیراعظم

ویب ڈیسک

28th Apr, 2024. 10:00 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سعودی سرمایہ کاری کے حوالے سے ایس آئی ایف سی کا کردار انتہائی اہم ہے، وزیراعظم

وزیراعظم شہباز شریف نے پاکستان میں سعودی سرمایہ کاری کے حوالے سے خصوصی سرمایہ کاری سہولت کونسل (ایس آئی ایف سی) کے کردار کو سراہتے ہوئے کہا کہ سعودی سرمایہ کاری کے حوالے سے ایس آئی ایف سی کا کردار انتہائی اہم ہے۔

وزیراعظم محمد شہباز شریف کی زیر صدارت ریاض میں رات گئے وفاقی وزراء اور افسران کے ساتھ مشاورتی اجلاس منعقد ہوا۔

اجلاس کے دوران وزیراعظم نے سعودی حکومت کے ساتھ سرمایہ کاری میں پیش رفت کے حوالے سے مختلف متعلقہ وزارتوں سے تفصیلی بریفنگ حاصل کی۔

اجلاس میں وزیراعظم نے عالمی اقتصادی فورم میں پاکستان کے مؤقف کو بھرپور انداز میں اجاگر کرنے پر وفاقی وزراء سے مشاورت کی۔

وفاقی وزراء اور وزارتوں کے دیگر حکام کے ساتھ مشاورتی اجلاس سے خطاب کرتے ہوئے وزیراعظم نے کہا کہ پاکستان کی ترقی اور خوشحالی کے لیے دن رات انتھک محنت کرنا ناگزیر ہے۔

انہوں نے مزید کہا کہ سستی کی کوئی گنجائش نہیں ہے اور ہمیں تیزی سے آگے بڑھنا چاہیے۔