پاکستان آسٹریلیا کے ساتھ تعاون بڑھانے کا خواہاں ہے، وزیراعظم

ویب ڈیسک

24th Apr, 2024. 10:32 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاکستان آسٹریلیا کے ساتھ تعاون بڑھانے کا خواہاں ہے، وزیراعظم

اسلام آباد: وزیر اعظم محمد شہباز شریف نے کہا ہے کہ پاکستان آسٹریلیا کے ساتھ تعاون بڑھانے کا خواہاں ہے۔

وزیر اعظم شہباز شریف سے آسٹریلیا کے ہائی کمشنر نیل ہاکنز نے اسلام آباد میں ملاقات کی۔

ملاقات کے دوران وزیر اعظم نے گفتگو کرتے ہوئے کہا کہ پاکستان اور آسٹریلیا دونوں کے درمیان دوستانہ اور خوشگوار تعلقات ہیں۔

دوران ملاقات وزیر اعظم نے دو طرفہ تعلقات کی موجودہ صورتحال پر اطمینان کا اظہار کیا اور کہا کہ پاکستان آسٹریلیا کے ساتھ زراعت، لائیو سٹاک اور کان کنی کے شعبوں میں تعاون بڑھانے کا خواہاں ہے۔

انہوں نے آسٹریلوی کمپنیوں اور ماہرین کو پاکستانی ہم منصبوں کے ساتھ اپنی مہارت اور بہترین طریقوں کا اشتراک کرنے کی دعوت بھی دی۔

دوسری جانب ہائی کمشنر نے آسٹریلوی فریق کی پاکستان کے ساتھ اپنے تعلقات کو مضبوط بنانے کی خواہش کا اعادہ کیا۔