‘آج کا دن زمین کے تحفظ کے حوالے سے ہماری ذمہ داریاں یاد دلاتا ہے’

ویب ڈیسک

22nd Apr, 2024. 11:14 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

‘آج کا دن زمین کے تحفظ کے حوالے سے ہماری ذمہ داریاں یاد دلاتا ہے’

پاکستان سمیت دنیا بھر میں آج عالمی یوم الارض (ارتھ ڈے) منایا جا رہا ہے۔

وزیراعظم شہباز شریف نے اس دن کی مناسبت سے ایکس پر پیغام جاری کرتے ہوئے کہاکہ آج پاکستان سمیت دنیا بھرمیں ارتھ ڈے منایا جارہا ہے، آج کا دن زمین کے تحفظ کے حوالے سے ہماری ذمہ داریاں یاد دلاتا ہے۔

اس سال عالمی یوم الارض کا موضوع زمین بمقابلہ پلاسٹک ہے، پلاسٹک کے ماحول پر پڑنے والے منفی اثرات سے متعلق آگاہی فراہم کی جائےگی۔

عالمی یوم ارض سب سے پہلے 22 اپریل 1970 کو منایا گیا تھا، یہ وہ دور تھا جب تحفظ ماحولیات کے بارے میں آہستہ آہستہ شعور اجاگر ہو رہا تھا اور لوگ فضائی آلودگی اور دیگر ماحولیاتی خطرات کا بغور مشاہدہ کر رہے تھے۔

ہر سال اس دن پر دنیا بھر میں زمین اور ماحولیات کی حفاظت کیلئے پروگرامز کا انعقاد کیا جاتا ہے۔

اس دن بہت سی تنظیمیں شہر میں ساحل ِ سمندر، دریاؤں یا دیگر قدرتی مقامات پرجا کر صفائی کا کام کرکے زمین کو صاف ستھرا رکھنے کی کوششوں میں اپنا حصہ ادا کرتی ہیں۔