چلتی ٹرین میں خاتون کا قتل یا خودکشی، ملت ایکسپریس واقعے کی گتھی سلجھ نہ سکی

ویب ڈیسک

16th Apr, 2024. 02:16 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

چلتی ٹرین میں خاتون کا قتل یا خودکشی، ملت ایکسپریس واقعے کی گتھی سلجھ نہ سکی

ملت ایکسپریس میں پولیس اہلکار کےتشدد کا نشانہ بننے والی خاتون مریم بی بی کی موت معمہ بن گئی ہے۔

ڈی آئی جی ریلوے ساؤتھ زون کی سربراہی میں چار رکنی کمیٹی نے خود کشی یا قتل سے متعلق تحقیقات شروع کردی ہے۔

ذرائع کے مطابق مقتولہ کے بھائی نے ریلوے کانسٹیبل میرحسن کیخلاف قتل کا پرچہ کٹوانے کی درخواست دے کر اعلیٰ حکام سے انصاف کا مطالبہ کردیا۔

مقتولہ کے اہلخانہ کا کہنا ہے کہ مریم بی بی کراچی میں بیوٹی پارلر پر ملازمت کرتی تھی، سات اپریل کو بیٹے کے ساتھ عید منانے جڑانوالہ آرہی تھیں
ریلوے پولیس اہلکارمیرحسن تشدد کے بعد مریم کو اپنے ساتھ لے گیاتھا، مقتولہ کے پرس سے نقدی اور زیور بھی غائب ہیں ۔

ذرائع کے مطابق مریم بی بی کی لاش بہاولپور کے قریب چنی گوٹھ سے ملی تھی، ترجمان ریلوے کا کہنا ہےکہ مسافروں کے مطابق خاتون نے چلتی ٹرین سے چھلانگ لگائی۔

اہلکارمیرحسن کو معطل کرکےلائین حاضرکردیا گیا ہے۔

ایس ایچ او ریلوے حیدرآباد کا کہنا ہے واقعے کی تفیتیش جاری ہے جبکہ ٹرین میں موجود دو ٹی سیز کو بھی تفتیش کے لیے لاہوربھیج دیا گیا ہے۔