انسٹی ٹیوٹ آف کڈنی ڈیزیز پشاور میں بڑے پیمانے پر بے ضابطگیوں کا انکشاف

ویب ڈیسک

07th Apr, 2024. 03:02 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

انسٹی ٹیوٹ آف کڈنی ڈیزیز پشاور میں بڑے پیمانے پر بے ضابطگیوں کا انکشاف

انسٹی ٹیوٹ آف کڈنی ڈیزیز پشاور کی آڈٹ رپورٹ میں بڑے پیمانے پر بے ضابطگیوں کاانکشاف ہواہے۔

آڈٹ رپورٹ کے مطابق آلات مہنگےخریدنےاورتعمیراتی ٹھیکہ دیکر خزانےکونقصان پہنچایاگیا، طبی آلات اور دیگراشیا پراعتراضات عائد کردیئےگئے،مارکیٹ ریٹ سے زیادہ قیمتوں پر طبی آلات اور دیگر اشیاخریدی گئیں۔

رپورٹ کے مطابق خزانےکو97لاکھ روپےکانقصان پہنچایاگیا،سرجیکل گلوز 71 روپے کے بجائے 112 روپے میں خریدے گئے،سرجیکل گلوزکی خریداری سے ساڑھے 20 لاکھ روپےکانقصان پہنچایاگیا۔

رپورٹ میں کہا گیا ہے کہ پلاسٹک بیگز 197 روپےکےبجائے 230 روپے میں خریدےگئے، بیگ مہنگےخریدنےسے 2 لاکھ سے زیادہ روپےکانقصان پہنچا۔

آڈٹ رپورٹ کے مطابق آئی کےڈی میں استعمال ہونےوالےکیمیکلزبھی مہنگے خریدے گئے، او پی ڈی آئی بی پی کےتعمیراتی کام کیلئے 90 لاکھ کی غیر مجاز ادائیگی ہوئی۔