بھٹو کا عدالتی قتل پاکستان کی خودمختاری کیخلاف سازش تھی، صدر آصف زرداری

ویب ڈیسک

04th Apr, 2024. 10:02 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بھٹو کا عدالتی قتل پاکستان کی خودمختاری کیخلاف سازش تھی، صدر آصف زرداری

صدر مملکت آصف علی زرداری نے کہا ہے کہ ذوالفقار بھٹو کا عدالتی قتل پاکستان کی خودمختاری کے خلاف سازش تھی۔

صدر آصف زرداری نے ذوالفقار علی بھٹو کے یوم شہادت پر پیغام دیتے ہوئے کہا کہ ذوالفقار بھٹو شہید اپنے وطن اور عوام سے عشق کرتے تھے، انکا قتل پاکستان کی خودمختاری کے خلاف سازش تھی۔

انہوں نے کہا کہ قائد عوام نے پاکستان کو دنیا کے باوقار ممالک کی صف میں شامل کیا، ذوالفقار بھٹو نے عوام کو فخر سے سراٹھا کر جینے کا ڈھنگ سکھایا۔

صدر مملکت نے کہا کہ قائد عوام اپنے ملک کو ایٹمی طاقت بنانے کی جستجو کررہے تھے، انکی جستجو تھی کہ پاکستان ترقی میں پہلے نمبر پر ہو۔

انکا مزید کہنا تھا کہ ذوالفقار بھٹو کا پرچم بلاول بھٹو کے مضبوط ہاتھوں میں ہے، انکی فلاسفی بینظیر بھٹو کا مشن تھا، اب اس مشن کے نگہبان بلاول بھٹو ہیں، بلاول بھٹو کی قیادت میں پاکستان ترقی کی منزلیں طےکرے گا۔

واضح رہے کہ پاکستان پیپلز پارٹی کے بانی چیئرمین ذوالفقار علی بھٹو کی 45 ویں برسی آج منائی جا رہی ہے۔