ملت ایکسپریس میں خاتون پر تشدد و ہلاکت کے واقعے کا مقدمہ درج

ویب ڈیسک

17th Apr, 2024. 02:08 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ملت ایکسپریس میں خاتون پر تشدد و ہلاکت کے واقعے کا مقدمہ درج

ملت ایکسپریس میں خاتون پر تشدد و ہلاکت کا مقدمہ متوفیہ کے بھائی کی مدعیت درج کرلیا گیا۔

ریلوے پولیس کانسٹیبل میر حسن اور دو نامعلوم پولیس اہلکاروں کو نامزد کیا گیا ہے۔

متوفیہ کے بھائی کا کہنا ہے کہ ریلوے پولیس اہلکار بہن کو بری نظر سے دیکھ رہا تھا، منع کرنے پرتشدد کیا۔

ایف آئی آر کے مطابق خاتون کو ملزمان نے چلتی ٹرین سے دھکا دیا، نقدی اور زیورات بھی چھین لیے تھے۔

ذرائع کے مطابق جاں بحق خاتون مریم بی بی کی ملت ایکسپریس میں ایک اور ویڈیو سامنے آ گئی، ویڈیو میں خاتون کو بچوں کے ہمراہ دیکھا جا سکتا ہے۔

پوسٹ مارٹم رپورٹ میں خاتون کی ہلاکت کی وجہ ٹرین سے گرنا قرار دیا گیا ہے ، رپورٹ اور دیگر شواہد تحقیقاتی ٹیم کو پہنچا دیئے گئے، تحقیقاتی ٹیم خودکشی، دھکا دینےسمیت تمام پہلوؤں پرانکوائری کرے گی۔

ذرائع کے مطابق مسافروں کی جانب سے پولیس اہلکار کو خاتون کی شکایت کی گئی جس پر پولیس اہلکار نے سمجھداری کا مظاہرہ کرنے کے بجائے خاتون پر تشدد کیا۔