دورہ لاہور، ایرانی صدر کی مزار اقبال پر آمد

ویب ڈیسک

23rd Apr, 2024. 11:19 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

دورہ لاہور، ایرانی صدر کی مزار اقبال پر آمد

ایرانی صدر ابراہیم رئیسی مزار اقبال پہنچے ، جہاں ان کا مولانا عبدالخبیر آزاد نے پرتپاک استقبال کیا۔

اس موقع پر پنجاب رینجرز کے چاق و چوبند دستے نے معزز مہمان کو مزار اقبال پر گارڈ آف آنر پیش کیا۔

معزز مہمان نے شاعر مشرق علامہ اقبال کےمزار پر حاضری دی ، پھولوں کی چادر چڑھائی اور فاتحہ خوانی کی ، بعدازاں انہوں نے مہمانوں کی کتاب میں اپنے تاثرات بھی قلمبند کئے۔

اس سے قبل وزیراعلیٰ پنجاب مریم نواز شریف نے لاہور ایئرپورٹ پہنچنے پر ایران کے صدر ابراہیم رئیسی کو خوش آمدید کہا اور ان کا استقبال کیا۔

، اس موقع پر سینئر صوبائی وزیر مریم اورنگزیب، صوبائی وزیر اطلاعات عظمیٰ بخاری بھی ان کے ہمراہ تھیں۔

اس کے علاوہ صوبائی وزراء مجتبیٰ شجاع الرحمان، بلال یاسین، خواجہ سلمان رفیق، چودھری شافع حسین، چیف سیکرٹری اور آئی جی پنجاب بھی اس موقع پر موجود تھے۔

ایرانی صدرابراہیم رئیسی کی لاہور آمد پرشہرمیں عام تعطیل ہے، لاہور میں آج سرکاری اور نجی ادارے بھی بند ہیں، ایرانی صدر کی لاہورآمد پر مخصوص سڑکیں بند رکھی جائیں گی، ایرانی صدر شہر کے مختلف مقامات کا دورہ کریں گے۔

ایرانی صدر وزیراعلیٰ کے ہمراہ گورنر ہاؤس جائیں گے، گورنر پنجاب بلیغ الرحمان ایرانی صدرکااستقبال کریں گے، گورنرہاؤس میں ایرانی صدرکےلیےظہرانہ کاانتظام کیاگیاہے، ایرانی صدرظہرانہ کےبعد کراچی روانہ ہوں گے۔