اسلام آباد: ترجمان دفتر خارجہ ممتاز زہرہ بلوج نے کہا ہے کہ اسرائیل کے ایران پر حملے سے متعلق صورتحال کا جائزہ لے رہے ہیں۔

دفتر خارجہ کی ترجمان ممتاز زہرہ بلوج نے صحافیوں کو ہفتہ وار بریفنگ دیتے ہوئے کہا کہ اسرائیل کی ایران کے خلاف جارحیت کی رپورٹس کا جائزہ لیا جارہا ہے۔

انہوں نے کہا کہ سعودی وفد کا دورہ پاکستان انتہائی کامیاب رہا، وزیراعظم شہباز شریف نے بھی رمضان کے آخر میں سعودی عرب کا کامیاب دورہ کیا، وزیراعظم کی مکہ مکرمہ میں سعودی ولی عہد شہزادہ محمد بن سلمان کے ساتھ ملاقات ہوئی۔

ممتاز زہرہ بلوج نے کہا کہ سعودی وفد کے دورہ پاکستان کے دوران آئی ٹی زراعت اور دیگر شعبوں میں تعاون پر بات ہوئی جبکہ اس ہفتے سعودی عرب کے وفد نے پاکستان کا دو روزہ دورہ کیا، سعودی عرب کے وفد کا پاکستان کا دورہ بہت کامیاب رہا۔

ترجمان دفتر خارجہ نے کہا کہ سعودی عرب وفد کا دورہ وزیر اعظم کے دورہ عرب کے بعد ممکن ہوا، سعودی عرب کی جانب سے پاکستان میں صعنت، آبی وسائل سمیت دیگر سیکٹر پر کام کرنے کا عزم دیکھایا گیا، دونوں ممالک کے وزارئے خارجہ نے غزا میں سیز فائر پر اتفاق کیا۔

انکا کہنا تھا کہ قوام متحدہ کی سلامتی کونسل میں جو کچھ ہوا وہ قابل افسوس ہے، پاکستان ہر فورم پر فلسطینیوں کے حق خود ارادیت کی حمایت کرتا ہے۔

دفتر خارجہ کی ترجمان نے مزید کہا کہ پاکستان کشمیری عوام کی حمایت جاری رکھے گا، پاکستان کشمیری عوام کی سیاسی سفارتی اور اخلاقی حمایت جاری رکھے گا، پاکستان آزاد، خود مختار اور پائیدار فلسطینی ریاست کے قیام کا حامی ہے۔