پاکستان کا دوسرا سیٹلائٹ مشن 30 مئی کو روانہ ہوگا

سلمان علی اعوان

22nd May, 2024. 02:28 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاکستان کا دوسرا سیٹلائٹ مشن 30 مئی کو روانہ ہوگا

اسلام آباد: پاکستان کا نیا مواصلاتی سیارہ پاک سیٹ ایم ایم ون آر 30 مئی کو لانچ کیا جائے گا جسے سپارکو کا پاک سیٹ ایم ایم ون آر چین کے وینچانگ لانچ سینٹر سے خلا میں چھوڑا جائے گا۔

پاک سیٹ ایم ایم ون آر سیٹلائٹ سپارکو اور چائنیز ایرواسپیس انڈسٹری کے باہمی اشتراک سے بنایا گیاہے جوکہ 15 برس تک کام کرے گا۔

پاک سیٹ ایم ایم ون آر پاکستان بھر میں ٹی وی نشریات، سیلولر فون سروس اور براڈبینڈ سروس بہتر بنانے میں مدد دے گا اور یہ رواں برس اگست میں اپنی سروس فراہم کرنا شروع کر دے گا۔

پاک سیٹ ایم ایم ون آر پورے پاکستان کو کوریج فراہم کرتے ہوئے کے اے بینڈ 10 گیگابائٹ بائٹس فی سیکنڈ صلاحیت کا حامل ہے، تاہم اس وقت پاکستان کے 2 کمیونیکیشن سیٹلائٹس خلا میں موجود ہیں، ان میں سے پہلا پاک سیٹ ون آر 2011 میں لانچ کیا گیا تھا، جبکہ اس کی ڈیزائن لائف 15 سال تھی جو 2026 میں مکمل ہوجائے گی۔

اس کے علاوہ پاکستان کا ایک اور ریموٹ سینسنگ سیٹلائٹ بھی خلا میں موجود ہے، جس کا نام پی آر ایس ایس ون ہے جو کہ 2018 میں لانچ کیا گیا تھا۔

واضح رہے کہ پاکستان نے حال ہی میں اپنا پہلا قمری مصنوعی سیارہ آئی کیوب قمر بھی لانچ کیا ہے۔