شہر قائد کے علاقے گرومندرکے قریب کار پر فائرنگ سے دو افراد کے جاں بحق ہونے کا واقعہ ذاتی دشمنی کا شاخسانہ نکلا۔

ایس پی جمشید علینہ راجپر نے میڈیا سے گفتگوکرتے ہوئے کہا کہ متاثرہ گاڑی میں پانچ بھائی سوار تھے، فائرنگ کے اس واقعہ میں دو بھائی جاں بحق اور دو زخمی ہوئے جبکہ ایک بھائی محفوظ ہے۔ جاٸے وقعہ سے گولیوں کے 17 خول ملے ہیں۔

پولیس کا کہنا ہے کہ فائرنگ سے جاں بحق ہونے والے افراد کی شناخت ساجد اور عمیر کے نام سے ہوئی ہے جبکہ زخمیوں کی شناخت واجد اور زبیر کے نام سے کی گئی ہے۔

پولیس کے مطابق جائے وقوعہ سے گولیوں کے 17 خول تحویل میں لئے گئے ہیں جبکہ واقعہ میں نائن ایم ایم پستول کا استعمال کیا گیا ہے۔ دو موٹر سائیکل پر سوار چار ملزمان نے دو اطراف سے فائرنگ کی، فائرنگ کے بعد چلتی کار فٹ پاتھ پر چڑھتے ہوئے دکان کے پول سے ٹکراگئی۔  مقتولین لسبیلہ کے قریب کے رہائشی ہیں، زخمیوں میں ایک کی حالت تشویشناک ہے۔

،پولیس کی ابتدائی تفتیش کے مطابق واقعہ ذاتی دشمنی کا شاخسانہ نکلا۔ مقتولین اور زخمی ہونے والے بھائیوں پر قتل کا مقدمہ سامنے آگیا، یہ مقدمہ تھانہ

سولجر بازار میں گزشتہ سال 2023 دسمبر میں درج کیا گیا تھا۔ یہ مقدمہ مقتول ساجد کے سالوں نے قتل کی دفعات کے تحت درج کروایا تھا۔

پولیس ذرائع کے مطابق ساجد اور نامزد بھائیوں پر اعجاز نامی شخص کو قتل کرنے کا الزام ہے مقتولین آج کیس کی پیروی کے لئے بھائیوں کے ہمراہ عدالت جا رہے تھے۔ مقتول ساجد کے سالے کے قتل کی واردات میں ملوث ہیں۔

واقع کی سی سی ٹی وی فوٹیج بول نیوز کو موصول ہو گئی ہے۔