اسلام آباد: عالمی مالیاتی فنڈ (آئی ایم ایف) نے کہا ہے کہ آئندہ مالی سال پاکستان کا مقامی قرضہ 53 ہزار878 ارب روپے ہوجائے گا۔

آئی ایم ایف کی جانب سے عالمی مالیاتی فنڈ میں آئندہ مالی سال حکومت پاکستان کے قرضوں میں اضافےکاخدشہ ظاہر کیا گیا ہے۔

نئے مالی سال حکومتی قرضوں میں10ہزار 433 ارب روپےاضافےکا تخمینہ لگایا گیا ہے۔ جبکہ حکومتی قرض آئندہ مالی سال میں بڑھ کرریکارڈ 87 ہزار 346 ارب روپےپر پہنچنےکا امکان ہے۔

آئی ایم ایف کا کہنا ہے کہ آئندہ مالی سال حکومت کےمقامی قرض میں7 ہزار636 ارب روپے اضافے کا تخمینہ ہے جبکہ ایک سال میں حکومت کےغیر ملکی قرض میں 2 ہزار797 ارب روپے اضافے کا تخمینہ ہے۔

عالمی مالیاتی فنڈ کے مطابق آئندہ مالی سال پاکستان کامقامی قرضہ بڑھ کر53 ہزار878 ارب روپے ہوجائےگا، جبکہ ایک سال میں حکومت کاغیر ملکی قرضہ بڑھ کر33 ہزار648 ارب روپے پرپہنچ جائے گا۔

آئی ایم ایف نے مزید بتایا کہ رواں مالی سال حکومت کے قرضے 76ہزار913 ارب روپے پرپہنچنے کا امکان ہے تاہم مالی سال کے اختتام تک حکومت کا مقامی قرضہ 46 ہزار 242 ارب روپے رہنےکا تخمینہ ہے جبکہ حکومت کاغیر ملکی قرضہ مالی سال کے اختتام تک 30 ہزار 671 ارب روپےرہنےکا امکان ہے۔