نئے مالی سال کے وفاقی بجٹ میں یوٹیلیٹی اسٹورز نے ملکی تاریخ کاسب سےبڑا وزیراعظم پیکج تجویزکردیا۔

ذرائع کے مطابق یوٹیلیٹی اسٹورزکارپوریشن نےوزیر اعظم پیکج کے لیے بجٹ میں 85 ارب روپے مانگ لیے، ان 85 ارب میں آئندہ سال کے وزیر اعظم رمضان پیکج کے لیے 12 ارب روپےتجویز کیےگئے ہیں جبکہ باقی ماندہ 73 ارب روپے آئندہ مالی سال کے11 ماہ کے لیے مانگے گئے ہیں۔

 آئندہ مالی سال میں وزیر اعظم پیکج کے لیےاوسط ماہانہ تقریبا 6 ارب 64 کروڑ روپے مانگے گئے ہیں جبکہ حکومتی ذرائع کا کہنا ہے کہ یوٹیلیٹی اسٹورزنےجتنے فنڈز مانگے ہیں اتنے منظور ہونے کے امکانات بہت کم ہیں۔

 ذرائع نے بتایا کہ وزیر اعظم ریلیف پیکج کے لیے فنڈز سے متعلق تجاویز کو وزارت خزانہ حتمی شکل دے گی، تاہم نئے مالی سال میں وزیراعظم پیکج کے تحت 5 بنیادی اشیاء چینی، آٹا، گھی، دال اور چاول پربی آئی ایس سبسڈی جاری رکھنے کی تجویز ہے۔ جبکہ یوٹیلیٹی اسٹورزپرموجودہ وزیر اعظم ریلیف پیکج 30 جون 2024 کوختم ہوجائے گا۔

حکام بی آئی ایس پی کے مطابق اس وقت یوٹیلیٹی اسٹورزپر بی آئی ایس پی صارفین کے لیےچینی کی قیمت 109روپے فی کلومقرر ہے۔

حکام کے مطابق بی آئی ایس پی صارفین کے لیے 10 کلو آٹے تھیلا 648 روپے میں دستیاب ہے، گھی کی فی کلو قیمت 393 روپے مقررہے، صارفین کودالوں اورچاول پرفی کلو 25 روپے سبسڈی دی جارہی ہے۔