کرغزستان سے 140پاکستانی طلبہ کی لاہور واپسی، وزیر داخلہ نے استقبال کیا

ویب ڈیسک

19th May, 2024. 12:05 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کرغزستان سے 140پاکستانی طلبہ کی لاہور واپسی، وزیر داخلہ نے استقبال کیا

کرغزستان میں پھنسے پاکستانی طلبا کی واپسی شروع ہوگئی، بشکیک سے پرواز 140 طلبا کو لیکر لاہور پہنچی ہے۔

وفاقی وزیر داخلہ محسن نقوی نے ائیر پورٹ پر طلبا کا استقبال کیا اور ان کی خیریت دریافت کی۔

محسن نقوی نے کہا کہ اس وقت طلبا کی زندگیاں بہت اہم ہیں، زخمی طلبا کو پہلے واپس لانا ترجیح ہے۔

طلبہ نے پاکستان پہنچنے پر کہا کہ بشکیک میں حالات معمول پر نہیں 10 سے 12 ہزار طلبہ کی جان کو خطرہ ہے ، واپس آنے والوں میں ایک زخمی طالب علم بھی شامل ہے۔

وزیر داخلہ نے ان طلبا سے بشکیک میں پیش آنے والے افسوسناک واقعے کے بارے میں معلومات لیں اور مسائل پوچھے۔

محسن نقوی نے کہا کہ وزیراعظم شہباز شریف نے اس واقعے کے فوری بعد پاکستانی طلبا کے تحفظ کے لیے تیزی سے اقدامات کیے۔

ذرائع کے مطابق حکومت کی جانب سے بشکیک میں پھنسے طلبا اور مسافروں کو لانے کیلئے مزید پروازیں چلانے کا بھی فیصلہ کیا گیا ہے، پاکستانی طلبا کی واپسی کے لیے ایک ہفتے تک بشکیک سے روز ایک پرواز پاکستان پہنچے گی۔