ہم چاہتے ہیں ترکی کی کمپنیاں سندھ میں سرمایہ کاری کریں، مراد علی شاہ

ویب ڈیسک

24th May, 2024. 02:37 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ہم چاہتے ہیں ترکی کی کمپنیاں سندھ میں سرمایہ کاری کریں، مراد علی شاہ

کراچی: وزیراعلیٰ سندھ سید مراد علی شاہ کا کہنا ہے کہ ہم چاہتے ہیں کہ ترکی کی کمپنیاں سندھ میں سرمایہ کاری کریں۔

وزیراعلیٰ سندھ کی ترکی کے سفیر ڈاکٹر مہمت پیکاسی سے ملاقات ہوئی جس میں دو طرفہ تجارت بڑھانے پر بات چیت کی گئی۔

اس موقع پر سید مراد علی شاہ نے کہا کہ وفاقی حکومت آئندہ تین سالوں میں ترکی سے تجارت پانچ ارب ڈالر تک لانا چاہتی ہے جبکہ کراچی ملک کا تجارتی مرکز ہے، ہم چاہتے ہیں ترکی کی کمپنیاں سندھ میں سرمایہ کاری کریں۔

مراد علی شاہ نے ترکی کے سفیر سے ملاقات کے دوران کہا کہ دونوں ملکوں کے درمیان برآمد کا جائزہ لے کر ایسے سامان کی تیاری کی جائے جو ایک دوسرے کی ضرورت ہوں۔

دوسری جانب ترکی کے سفیر ڈاکٹر مہمت نے کہا ترکی ٹگ بوٹ جوکہ سمندری جہاز کو کھیچنے والی کشتی ہے پاکستان سے لیتا ہے، جس پر وزیراعلیٰ سندھ نے کہا کہ ہم سمندری کشتیوں کی صنعت کی بہتری کیلئے کام کرسکتے ہیں

مراد علی شاہ کے مطابق 1995 سے 2022 تک ترکی کے ساتھ 89.8 ملین ڈالر تجارت ہوئی ہے جبکہ گزشتہ سال تقریباً 900 ملین ڈالر کی تجارت ہوئی۔

وزیراعلیٰ سندھ نے مزید یہ بھی کہا کہ پاکستان نے ترکی کو کاٹن، سیمینٹ، الیکٹرونک اشیاء ایکسپورٹ کی ہیں اور اب بھی ایسے ہی تجارت کرنے کی ضرورت ہے۔