کرغزستان کے دارالحکومت بشکیک سے تین خصوصی پروازیں پاکستانی طلبہ کو لے کر وطن واپس پہنچ گئیں۔

ذرائع کے مطابق کے پی حکومت نے پھنسے پاکستانی طلبہ کی واپسی کے لئے مفت پروازیں بھیجنے کا فیصلہ کرلیا۔

وزیراعلیٰ خیبر پختونخوا علی امین گنڈا پور نے کہا کہ طلب علم مفت ایئر سروس پہلے آیئے پہلے پایئے کی بنیاد پر حاصل کرسکتا ہے۔

خیبرپختونخوا کے وزیر برائے اعلیٰ تعلیم مینا خان آفریدی نے کہا ہے کہ کرغزستان کے پرتشدد واقعات کے بعد وزیر اعلیٰ علی امین گنڈاپور حکام سے ساتھ مسلسل رابطے میں ہیں، ہم چاہتے ہیں کہ اپنے لوگوں اور خصوصی طور بر طلبہ کو فیسیلیٹیٹ کریں۔

انہوں نے کہاکہ وزیر اعلیٰ خیبر پختونخوا کی طرف سے ایک موبائل نمبر دیا گیا ہے جس پر لوگ اپنے آپ کو رجسٹرڈ کرسکتے ہیں، پہلے آئیں اور پہلے پائیں کی بنیاد پر وہاں سے لوگوں کو لے کر آئینگے۔

صوبائی وزیر نے مزید بتایا کہ جیسے ہی پہلی فلائٹ سے لوگ پشاور واپس پہنچیں گے میں اور میرے ساتھ مشیر خزانہ خود لوگوں کوائیرپورٹ لینے جائینگے۔

واضح رہےکہ پرواز کے اے 4571 نے رات گئے ڈھائی بجے علامہ اقبال ایئرپورٹ پرلینڈ کیا، طلبہ کے لئے حکومت کی ہدایات پر خصوصی انتظامات کئے گئے تھے ، پرواز 20 منٹس کی تاخیر سے لینڈ ہوئی، طلبہ کے والدین اور رشتے دار ایئر پورٹ پر اپنے پیاروں سے ملنے کے لئے بڑی تعداد میں موجود تھے۔

اس سے قبل بھی کرغزستان کے دارالحکومت بشکیک سے دو خصوصی پروازیں طلبا کو لیکر وطن واپس پہنچیں۔