وزیراعظم کی خالد مقبول صدیقی کو ایم کیو ایم پاکستان کے چیئرمین منتخب ہونے پر مبارکباد

فہد

13th May, 2024. 12:05 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وزیراعظم کی خالد مقبول صدیقی کو ایم کیو ایم پاکستان کے چیئرمین منتخب ہونے پر مبارکباد

اسلام آباد: وزیراعظم محمد شہباز شریف نے ڈاکٹر خالد مقبول صدیقی کو گزشتہ روز متحدہ قومی موومنٹ (ایم کیو ایم) پاکستان کے چیئرمین منتخب ہونے پر مبارکباد دی ہے۔

وزیراعظم نے اپنے جاری کردہ بیان میں کہا کہ ڈاکٹر خالد مقبول صدیقی نے بطور کنیوینر متحدہ قومی موومنٹ پاکستان، پارٹی میں ایک نئی روح پھونکی اور پارٹی نے قومی مفادات کی خاطر مشکل فیصلوں میں حکومت کا بھرپور ساتھ دیا۔

شہباز شریف نے مزید کہا کہ پرامید ہوں کہ ڈاکٹر خالد مقبول صدیقی کی قیادت میں متحدہ قومی موومنٹ عوام کی حقیقی نمائندگی کرتے ہوئے ان کے مسائل کے حل کے لیے مزید متحرک ہو گی۔

واضح رہے کہ سابق کنوینر خالد مقبول صدیقی کو متفقہ طور پر متحدہ قومی موومنٹ (ایم کیو ایم) پاکستان کا چیئرمین منتخب کرلیا گیا۔

ترجمان ایم کیو ایم کے مطابق خالد مقبول صدیقی کی صدارت میں پاکستان ہاؤس میں ایم کیو ایم پاکستان کی مرکزی کمیٹی کا اجلاس ہوا جس میں مرکزی کمیٹی نے متفقہ طور پر پارٹی کے سابق کنوینر خالد مقبول صدیقی کو ایم کیو ایم پاکستان کا چیئرمین منتخب کیا۔

ترجمان ایم کیو ایم نے بتایا کہ اجلاس میں پارٹی کے مختلف امور پر تفصیلی تبادلہ خیال کرتے ہوئے اہم فیصلے کیے گئے۔