وزیراعظم سے ازبک وزیر خارجہ کی ملاقات؛ اہم امور پر تبادلہ خیال

ویب ڈیسک

08th May, 2024. 02:19 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

وزیراعظم سے ازبک وزیر خارجہ کی ملاقات؛ اہم امور پر تبادلہ خیال

اسلام آباد: وزیراعظم شہباز شریف سے ازبکستان کے وزیر خارجہ بختیار سیدوف کی ملاقات ہوئی جس میں اہم امور پر تبادلہ خیال کیا گیا۔

ملاقات میں ازبک وزیر خارجہ نے وزارتِ عظمی کے منصب پر دوسری مرتبہ منتخب ہونے پر مبارکباد دی اور ازبکستان کے صدر شوکت مرزیوئیف کی طرف سے وزیر اعظم کو جلد از جلد ازبکستان کا سرکاری دورہ کرنے کی دعوت دی۔

وزیراعظم نے ازبکستان کے صدر شوکت مرزیوئیف کا شکریہ ادا کیا اور کہا کہ وہ ان سے ملاقات کے منتظر ہیں۔

ملاقات کے دوران پاکستان اور ازبکستان کے درمیان تجارت، معیشت، سیکیورٹی، دفاع، سماجی روابط اور دیگر شعبوں میں تعاون بڑھانے پر تبادلہ خیال کیا گیا۔

اس کے علاوہ ملاقات میں افغانستان میں دیرپا امن اور ترقی کی اہمیت پر بھی اتفاق کیا گیا۔

اس موقع پر وزیر اعظم نے ازبکستان کے ساتھ دوطرفہ تجارت اور دیگر منصوبوں کو تیزی سے مکمل کرنے کے لیے پاکستان کے عزم کا اظہار کیا اور ازبکستان کو پاکستانی بندرگاہوں تک رسائی فراہم کرنے کے لیے باہمی مشاورت سے ایک مؤثر لائحہ عمل تشکیل دینے کی اہمیت پر زور دیا۔

وزیراعظم نے ازبکستان، افغانستان، پاکستان ریلوے منصوبے کی اہمیت پر روشنی ڈالتے ہوئے جلد تکمیل کے لیے پاکستان کے عزم کا بھی اظہار کیا۔