معاشی ٹیم کے ایکسٹرنل فنانسنگ کے ابتدائی تخمینہ پر آئی ایم ایف سے مذاکرات

عمر حیات خان

16th May, 2024. 11:41 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

معاشی ٹیم کے ایکسٹرنل فنانسنگ کے ابتدائی تخمینہ پر آئی ایم ایف سے مذاکرات

آئی ایم ایف کا ریونیو بڑھانے کیلئے ٹیکس نادہندگان کیخلاف مزید سخت اقدامات کا مطالبہ

لاہور: آئندہ مالی سال کے دوران ایکسٹرنل فنانسنگ کے ابتدائی تخمینہ پر حکومتی معاشی ٹیم کے آئی ایم ایف سے مذاکرات جاری ہیں۔

ذرائع کے مطابق معاشی ٹیم نے آئندہ مالی سال کے دوران ایکسٹرنل فنانسنگ کا ابتدائی تخمینہ 22 ارب ڈالر تک لگایا ہے، آئندہ مالی سال کے دوران پانڈا بانڈز کا اجرا آئی ایم ایف کیساتھ شیئر پلان میں شامل ہے۔

ذرائع نے بتایا کہ آئندہ مالی سال کے دوران حکومت کا ڈیڑھ ارب ڈالر سے زائد انٹرنیشنل اسکوک بانڈز کے اجراء کا بھی پلان ہے۔

اس کے علاوہ دوست ممالک سے تقریباً 12 ارب ڈالر قرض رول اوور کرانا بھی آئی ایم ایف سے شیئر کردہ پلان کا حصہ ہے جبکہ رواں مالی سال کی موجودہ اور آخری سہ ماہی میں 2 ارب ڈالر سے زائد ان فلو پلان میں شامل کیا گیا ہے۔

ذرائع کا مزید کہنا ہے کہ آئندہ مالی سال کے دوران پانڈا بانڈز پہلی سہ ماہی کے دوران ہی جاری کیا جائے گا جبکہ عالمی بینک اور ایشیائی ترقیاتی بینک سے نئی فنانسنگ بھی پلان میں شامل کی گئی ہے۔