خیبرپختون خوا اور مرکز کے درمیان ایک پل کا کردار ادا کروں گا، فیصل کریم کنڈی

ویب ڈیسک

04th May, 2024. 09:01 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

خیبرپختون خوا اور مرکز کے درمیان ایک پل کا کردار ادا کروں گا، فیصل کریم کنڈی

گورنرکے پی نے کہا ہے کہ خیبرپختون خوا اور مرکز کے درمیان ایک پل کا کردار ادا کروں گا، سیکیورٹی فورسزکے ساتھ مل کر صوبے میں امن قائم کریں گے۔

پشاورمیں حلف برداری کے بعد گورنرخیبرپختونخوا فیصل کریم کنڈی نے میڈیا سے گفتگو کرتے ہوئے کہا کہ بلاول بھٹو، آصف علی زرداری اور پیپلز پارٹی کا مشکور ہوں۔ کافی عرصے کے بعد جیالا گورنر بنا۔

فیصل کریم کنڈی نے کہا کہ خیبرپختونخوا اورمرکز کے درمیان ایک پل کا کردارادا کرونگا۔ یہ صوبہ ہم سب کا ہے اور صوبہ ترقی کرے۔ سیکیورٹی فورسزکے ساتھ مل کر صوبے میں امن قائم کریں گے۔

گورنر خیبرپختون خوا نے کہا کہ تمام پارٹیوں کے سربراہوں کے پاس جاؤں گا اور صوبے کا مقدمہ لڑیں گے۔ صوبائی حکومت کو یقین دلاتا ہوں کہ صوبے کے مسائل کے حل کے لیے ان کا مقدمہ لڑوں گا۔

فیصل کریم کنڈی نے کہا کہ وزیراعلی اور صوبائی حکومت کو دعوت دیتا ہوں کہ مل کر صوبے کا مقدمہ لڑیں۔ ہمیں صوبے کی ترجیحات کو دیکھنا ہے۔

گورنرخیبرپختونخوا کی حلف برداری کی تقریب گورنرہاؤس پشاور میں منعقد ہوئی۔ تقریب میں وزیر بلوچستان سرفرازبگٹی، امیرمقام، راجا پرویز ارباب عالمگیرسمیت دیگر نے شرکت کی۔

تقریب میں پیپلز پارٹی، جے یو آئی، مسلم لیگ ن کے رہنماؤں سمیت سماجی و سیاسی کارکنوں نے بھی شرکت کی۔