9 مئی کے کرداروں کی سزا کا فیصلہ آئین اور قانون کرے گا، خواجہ آصف

فہد

08th May, 2024. 12:33 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

9 مئی کے کرداروں کی سزا کا فیصلہ آئین اور قانون کرے گا، خواجہ آصف

اسلام آباد: وفاقی وزیر دفاع خواجہ آصف نے کہا ہے کہ 9 مئی کے کرداروں کی سزا کا فیصلہ آئین اور قانون کرے گا۔

نو مئی یوم سیاہ سے متعلق خواجہ آصف نے اپنے جاری کردہ بینا میں کہا کہ نو مئی ہمیشہ اس بات کی یاد دلائے گا کہ ایک شخص اور گروہ نے اپنے ذاتی ایجنڈے کی خاطر وطن عزیز کی اساس پر حملہ کیا۔

انہوں نے کہا کہ نو مئی کو جو کچھ ہوا اس کا تصور ہمارے بدترین اور ازلی دشمن بھی نہیں کر سکتے، پاک فوج کی تنصیبات اور شہداء کی یادگاروں کو نشانہ بنایا گیا، نو مئی 2023 کو ایک سوچے سمجھے منصوبے پر عمل کیا گیا۔

وزیر دفاع کا کہنا تھا کہ نو مئی کے منصوبہ سازوں اور اس پر عمل کرنے والوں کے چہروں کو قوم پہچانتی ہے، ان کے چہرے پاکستان کے عوام کی یادداشت پر نقش ہیں، ان کے نعروں کی بازگشت آج بھی ہمیں اس دن کی یاد دلاتی ہے۔

خواجہ آصف نے مزید کہا کہ نو مئی کے کرداروں کی سزا کا فیصلہ آئین اور قانون کرے گا، آئیں آج عہد کریں کہ ہم کسی شخص یا گروہ کو کسی قیمت پر پاک سرزمین کی آبرو پامال نہیں کرنے دیں گے۔