گورنر پنجاب سلیم حیدر کی تقریب حلف برداری ملتوی

ویب ڈیسک

05th May, 2024. 10:33 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

گورنر پنجاب سلیم حیدر کی تقریب حلف برداری ملتوی

لاہور: پنجاب کے گورنر سلیم حیدر خان کی آج ہونے والی حلف برداری کی تقریب ملتوی کردی گئی ہے۔

اس حوالے سے پیپلز پارٹی پنجاب کے جنرل سیکریٹری سید حسن مرتضیٰ نے بتایا ہے کہ ناگزیر وجوہات کی بنیاد پر نئے گورنر پنجاب کی تقریب حلف برداری ملتوی کر دی گئی ہے، آئندہ تقریب حلف برداری 7 مئی شام چھ بجے ہوگی۔

واضح رہے کہ پیپلز پارٹی کے رہنما نامزد گورنر پنجاب سردار سلیم حیدر نے آج شام چھ بجے حلف اٹھانا تھا، چیف جسٹس لاہور ہائی کورٹ شہزاد خان نے نئے گورنر سے عہدے کا حلف لینا تھا۔

اس سے قبل وفاقی حکو مت نے نئے گورنر پنجاب کی تعیناتی کے لئے اقدامات شروع کردیے تھے، سیکریٹری کیبنٹ ڈویژن کامران علی افضل نے سردار سلیم حیدر خان کو گورنر پنجاب بنانے کے وفاقی حکومت کے فیصلے سے حکومت پنجاب کو باضابط آگاہ کر دیا تھا۔